ႁူဝ်ၼပ်ႉၵူၼ်း ၼႂ်းၸႄႈတွၼ်ႈယူင်းယၼ်ႇ Yeongyang ၊ ၸႄႈမိူင်းယိၼ်ႇသၼ်း Gyeongsang ဢၼ်မီး ၼႂ်းပွတ်းႁွင်ႇ မိူင်းၵူဝ်ႊရီႊယိူဝ်ႊၸၢၼ်း ယွမ်းလူင်းႁႅင်းလႄႈ ၽူႈမီးပုၼ်ႈ ၽွၼ်းၶဝ် ႁၢင်ႈႁႅၼ်း တႃႇတေႁပ်ႉဢဝ်ၵူၼ်းပၢႆးၽေးမိူင်းမၢၼ်ႈ ၵႂႃႇယူႇသဝ်း တႃႇ 40 ၵေႃႉၼႆ – သိုဝ်ႇၶၢဝ်ႇ The Korea Herald ႁၢႆးငၢၼ်း ဝႆႉၼင်ႇၼႆ။

ယၢမ်းလဵဝ် ၽူႈမီးပုၼ်ႈၽွၼ်းၶဝ် တိုၵ်ႉဢုပ်ႇၵုမ်ၵၼ် လွင်ႈတေဢဝ်ႁူင်းႁဵၼ်း ၸိူဝ်းပိၵ်ႉဢိုတ်းဝႆႉ လႅၵ်ႈႁဵတ်းပဵၼ် ႁိူၼ်းယေးတီႈယူႇလႄႈ လွင်ႈၵူၼ်းပၢႆႈၽေး ၸိူဝ်းယူႇဝႆႉ တႂ်ႈၸုမ်းၸၢတ်ႈၸိုင်ႈလုမ်ႈၾႃႉ တူၺ်း လူလွမ်ဝႆႉၼၼ်ႉ ၸွင်ႇတေၶၢႆႉၵႂႃႇယူႇသဝ်းလႆႈ ၼႂ်းၸႄႈတွၼ်ႈ Yeongyang ၸိူဝ်းၼႆႉ ဝႃႈၼႆ။ 

ၸႄႈတွၼ်ႈ Yeongyang ၼႆႉ ပဵၼ်ၸႄႈတွၼ်ႈ ဢၼ်မီးႁူဝ်ၼပ်ႉၵူၼ်းဢေႇလိူဝ်ပိူၼ်ႈသုတ်း ၼႂ်းမိူင်းၵူဝ်ႊ ရီႊယိူဝ်ႊၸၢၼ်း။ မိူဝ်ႈပီ 2006 လိူၼ်ၵျႅၼ်ႊၼိဝ်ႊရီႊၼၼ်ႉ ႁူဝ်ၼပ်ႉ ၵူၼ်းမီးဢမ်ႇတဵမ် 2,000 ။ ထိုင်မႃးၼႂ်းပီ 2025 လိူၼ်ၾႅပ်ႊပိဝ်ႊရီႊၼႆႉသမ်ႉ ႁူဝ်ၼပ်ႉၵူၼ်းမီး 15,200 ပၢႆ ဝႃႈၼႆ။

ၼိုင်ႈပီၼႆႉ ႁူဝ်ၼပ်ႉလုၵ်ႈဢွၼ်ႇၵိူတ်ႇမႂ်ႇ မီး 25 ၵေႃႉၵူၺ်းသေ ႁူဝ်ၼပ်ႉၵူၼ်းလူႉတၢႆသမ်ႉ မီးမွၵ်ႈ 300 ၵေႃႉ – သိုဝ်ႇၶၢဝ်ႇ RFA ဢွၵ်ႇဝႆႉၼင်ႇၼႆ။