ဝၼ်းတီႈ 12/03/2025 ၼႆႉ ယူႇတီႈ ႁွင်ႈၵၢၼ် ၾၢႆႇၽွင်းလူင်ႁႅင်းၵၢၼ်မိူင်းထႆး ပိုၼ်ၽၢဝ်ႇဢွၵ်ႇဝႆႉပဵၼ် တၢင်းၵၢၼ်ဝႃႈ ႁႅင်းၵၢၼ်ယၢၼ်မိူင်း 3 ၸိုင်ႈမိူင်း မိူၼ်ၼင်ႇ မိူင်းလၢဝ်း၊ မိူင်းႁူမ်ႈတုမ်မၢၼ်ႈလႄႈ မိူင်းၵမ်ႇ ပူးၶျႃး ၸိူဝ်းၼႆႉ သင်ဝႃႈ တေပွၵ်ႈမိူဝ်းလႄႇႁိူၼ်း ၽွင်းၶၢဝ်းပွႆးသွၼ်းၼမ်ႉၼႆ တီႈၵဵတ်ႉ/ လၢၼ်ႇလႅၼ်လိၼ် ၸိူဝ်းၼႆႉ တေဢမ်ႇၵဵပ်းၵႃႈ Re – Entry Visa ဝႃႈၼႆ။
သုၼ်ၶေႃႈမုၼ်း ႁႅင်းၵၢၼ်ယၢၼ်မိူင်း (MIC) ပိုၼ်ၽၢဝ်ႇဢွၵ်ႇဝႆႉဝႃႈ – “သင်ဝႃႈ ႁႅင်းၵၢၼ် တေမိူဝ်းလႄႇၸႂ်းႁိူၼ်းၼႆ တီႈလၢၼ်ႇလႅၼ်လိၼ်ၼႆႉ ဢမ်ႇတၢပ်ႈလူဝ်ႇတွၵ်ႇၸုမ်ႈလႄႈ တေဢမ်ႇၵဵပ်းၵႃႈၽၢၼ်ႇလၢၼ်ႇလႅၼ်လိၼ် (ၽၵ်းတူ)”- ဝႃႈၼႆ။
သိုပ်ႇသေၼၼ်ႉ ၶၢဝ်းတၢင်းဢၼ်လႆႈမၵ်းမၼ်ႈဝႆႉပၼ် တႃႇႁႅင်းၵၢၼ် တေပွၵ်ႈမိူဝ်းၸႂ်းႁိူၼ်းၼႆ တင်ႈတႄႇဝၼ်းတီႈ 01/04/2025 ထိုင် 15/05/2025 တႃႇၶၢဝ်းတၢင်းလိူၼ်ပၢႆ ဝႃႈၼႆ။
သင်ဝႃႈ ႁႅင်းၵၢၼ် တေၶဝ်ႈမႃးၶိုၼ်းမိူင်းထႆး ဝၢႆးလင် ဝၼ်းတီႈ 15/05/2025 ၸိုင် တေဢမ်ႇမီးသုၼ်ႇလႆႈ ၽၢၼ်ႇလၢၼ်ႇလႅၼ်လိၼ်ယဝ်ႉ တၵ်းတေလႆႈသဵင်ႈၵႃႈၶဝ်ႈမိူင်း ၸွမ်းၼင်ႇပၵ်းပိူင် ဢၼ်မီးဝႆႉ ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ