တီႈမိူင်းဢမေႊရိၵၼ်ႊၼၼ်ႉ ၵူၼ်းမိူင်းဢွၼ်ၵၼ်တိတ်းၸပ်းတၢင်းပဵၼ် ၼၢဝ်ၶႆႈဝတ်းသေ လူႉတၢႆမီး 13,000 ပၢႆယဝ်ႉ ဝႃႈၼႆ။
ဝၼ်းတီႈ 07/02/2025 ပူၼ်ႉမႃးၼႆႉ ယူႇတီႈ ၾၢႆႇၵုမ်းထိင်းၵႅတ်ႇၶႄ ႁႄႉၵင်ႈတၢင်းပဵၼ် (CDC) မိူင်းဢ မေႊရိၵၼ်ႊ ႁၢႆးငၢၼ်းဢွၵ်ႇမႃးဝႃႈ တီႈမိူင်းဢမေႊရိၵၼ်ႊပတ်းပိုၼ်ႉၼႆႉ ၵူၼ်းတိတ်းၸပ်းတၢင်းပဵၼ် ၼၢဝ်ၶႆႈဝတ်းမီး 24 လၢၼ်ႉ၊ ၸိူဝ်းၶိုၼ်ႈႁူင်းယႃသေ ၶၢမ်ႇယူတ်းယႃတူဝ် မီး 310,000 ၵေႃႉလႄႈ ၵူၼ်းလူႉတၢႆသမ်ႉမီး 13,000 ပၢႆယဝ်ႉ ဝႃႈၼႆ။
ၸုမ်း CDC လၢတ်ႈဝႃႈ တၢင်းပဵၼ်ၼၢဝ်ၶႆႈဝတ်း ၽႄႈလၢမ်းဝႆႉႁၢဝ်ႈႁႅင်း တီႈမိူင်းဢမေႊရိၵၼ်ႊ။ ၼႂ်းၵူၼ်းတိတ်းၸပ်း တၢင်းပဵၼ် 96% ၼႆႉ ပဵၼ်တၢင်းပဵၼ်ၼၢဝ်ၶႆႈဝတ်း သႅၼ်း A – ဝႃႈၼႆ။
ပိူင်လူင် လုၵ်ႈဢွၼ်ႇလႄႈ ၵူၼ်းၼုမ်ႇ တိတ်းၸပ်းတၢင်းပဵၼ်ၸွမ်း လွတ်ႇလူမ်းထူၺ်ႈၸႂ်ၼမ်။ မၢင်ပိုၼ်ႉတီႈ လႆႈပိၵ်ႉ ဢိုတ်းႁူင်းႁဵၼ်းဝႆႉ – သိုဝ်ႇၶၢဝ်ႇ DVB ဢွၵ်ႇဝႆႉၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ