ၸွမ်ၽွင်းလူင်မိူင်းထႆး ၼၢင်းသၢဝ်ၽႄးထွင်းထၢၼ်းသျိၼ်ႊၼဝတ်း ဢႅဝ်ႇယဵမ်ႈမိူင်းၶႄႇ ဢုပ်ႇလၢတ်ႈတၵ်ႉၼၢႆၵူၼ်းမိူင်းၶႄႇ ၽိတ်ႈမွၵ်ႇၵူၼ်းမိူင်းၶႄႇ ႁႂ်ႈၵႂႃႇဢႅဝ်ႇယဵမ်မိူင်းထႆး ၼမ်ၼမ် ဝႃႈၼႆ။
မၢႆတွင်း လွင်ႈၵပ်းသိုပ်ႇၸမ်ၸႂ် ၽွင်းတၢင် ၶႄႇ-ထႆး ၶွပ်ႈတဵမ် 50 ပီၼႆသေ မၼ်းၼၢင်းၵႂႃႇဢႅဝ်ႇယဵမ်ႈမိူင်းၶႄႇ ၼႂ်းဝၼ်းတီႈ 6 ထိုင်ဝၼ်းတီႈ 8 လိူၼ်ၾႅပ်ႉပိဝ်ႊရီႊၼႆႉ။
မၼ်းၼၢင်းလၢတ်ႈဝႃႈ “ ႁႂ်ႈၵူၼ်းမိူင်းၶႄႇ ဝႆႉၸႂ်ဝႃႈ မိူင်းထႆး မိူၼ်ႁိူၼ်းမိူၼ်ယေးၸဝ်ႈၵဝ်ႇ ႁႂ်ႈယုမ်ႇယမ်ဝႆႉၸႂ်ဝႃႈမီးလွင်ႈႁူမ်ႇလူမ်ႈ ဢုၼ်ႇဢူၵ်းဢုၼ်ႇၸႂ်သေ ႁႂ်ႈ ဢႅဝ်ႇယဵမ်ႈမိူင်းထႆးၼမ်ၼမ်”- ဝႃႈၼႆ။
မၼ်းၼၢင်းဝႃႈ ပေႃႈမၼ်းၼၢင်းၵေႃႈယၢမ်းမႃးယူႇတီႈဝဵင်းလူင်ပိူၺ်ႊၵျိၼ်း မိူင်းၶႄႇၼႆႉတင်းႁိုင်လႄႈ မၼ်းၼၢင်းမႃးဢႅဝ်ႇယဵမ်ႈၵမ်းၼႆႉၵေႃႈ ဢုၼ်ႇၸႂ် မိူၼ်ႁွတ်ႈထိုင်ႁိူၼ်းယေး ၸဝ်ႈၵဝ်ႇ- ဝႃႈၼႆပႃး။
လွင်ႈဢၼ်မိူင်းထႆး ၸွႆႈဢဝ်ၵူၼ်းမိူင်းၶႄႇၸိူဝ်းထုၵ်ႇၸုမ်းၵျႃးၽႅၼ်ႉ တီႈလႅၼ်လိၼ်ထႆးမၢၼ်ႈ လွၵ်ႇလႅၼ်ၼၼ်ႉ သေ သူင်ႇပွၵ်ႈၶိုၼ်းမိူင်းၶႄႇတင်းၼမ်ၼၼ်ႉၵေႃႈ ၸွမ်ၸိုင်ႈမိူင်းၶႄႇ သျီႊၵျိၼ်ႊၽိင်ႊ လၢတ်ႈၵႂၢမ်းၶွပ်ႈၸႂ်ထိုင် ၸွမ်ၽွင်းလူင်ထႆးပႃးၽွင်းႁူပ်ႉထူပ်းၵၼ်မိူဝ်ႈဝၼ်းထိ 6/2/2025 ၼၼ်ႉယူႇ ။
တႃႇတေၽဵဝ်ႈမူၺ်ႉၸုမ်းလွၵ်ႇလႅၼ်ၵိၼ်ငိုၼ်း တီႈလႅၼ်လိၼ် ထႆး-မၢၼ်ႈ တၢင်းၾင်ႇမိူင်းမၢၼ်ႈၼၼ်ႉ – သွင်ၸိုင်ႈမိူင်း -ၶႄႇလႄႈထႆး တေႁူမ်ႈမိုဝ်းၵၼ်ႁဵတ်းသၢင်ႈၵႂႃႇ ဢုပ်ႇၵုမ်လၢတ်ႈပႃးၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ