ဝၼ်းတီႈ 22/1/2025 ၼႆႉ ၶၢဝ်ႇ CNN ႁၢႆးငၢၼ်းဢွၵ်ႇမႃးဝႃႈ – ၵူၼ်းပၢႆႈၽေး မွၵ်ႈ 1 မိုၼ်ႇ ၸိူဝ်းသိုဝ်ႉဝႆႉ ဝႂ်ၶိူင်ႈမိၼ်သေ ႁၢင်ႈႁႅၼ်းတေၵႂႃႇယူႇသဝ်းတီႈ မိူင်းဢမေႊရိၵၼ်ႊၼၼ်ႉ လႆႈဢွၼ်ၵၼ်ယုၵ်ႉလိူၵ်ႈၶိုၼ်း ၶၢဝ်းတၢင်း – ဝႃႈၼႆ။
လွင်ႈၼႆႉပဵၼ်ၵႂႃႇ ဝၢႆးသေ ၻူဝ်ႊၼေႃႊ ထရမ်ႉ ၸွမ်ၸိုင်ႈမိူင်းဢမေႊရိၵၼ်ႊ လူင်းလၢႆးမိုဝ်းပိုၼ်ၽၢဝ်ႇ ၵိုတ်းယင်ႉပႅတ်ႈ ၽႅၼ်ၵၢၼ်တႃႇတေႁပ်ႉၵူၼ်းပၢႆႈၽေးၵူႈမိူင်းမိူင်း ဝႃႈၼႆ။
ၵူၼ်းပၢႆႈၽေးၸိူဝ်းၼႆႉ လႆႈၶေႃႈတူၵ်းလူင်း တႃႇတေၵႂႃႇယူႇသဝ်း တီႈမိူင်းဢမေႊရိၵၼ်ႊယဝ်ႉသေ လႆႈ သိုဝ်ႉဝႆႉပႃး ဝႂ်ၶိူင်ႈမိၼ်သေတႃႉ ထုၵ်ႇယုၵ်ႉလိူၵ်ႈပႅတ်ႈ။ လိူဝ်ၼၼ်ႉ ၵူၼ်းပၢႆႈၽေးၸုပ်ႈမႂ်ႇၵေႃႈ တေဢမ်ႇ ႁပ်ႉထႅင်ႈယဝ်ႉ ဝႃႈၼႆ။
ၵူၼ်းပၢႆႈၽေး ၸိူဝ်းထုၵ်ႇယုၵ်ႉလိူၵ်ႈပႅတ်ႈ ၶၢဝ်းတၢင်းသၢႆၵၢၼ်မိၼ်ၼႆႉ ပဵၼ်ၵူၼ်းမိူင်းလႂ်လၢႆလၢႆၼႆတႄႉ ပႆႇလႆႈႁူႉတႅတ်ႈတေႃး။ ၵူၺ်းၵႃႈ ၵူၼ်းပၢႆႈၽေးၵမ်ႈၼမ် ပဵၼ်ၵူၼ်းမိူင်းမၢၼ်ႈ၊ ဢႅပ်ႊၾ်ၵၢၼ်ႊၼိတ်ႉသ်တၢၼ်ႊ၊ ၵုၼ်ႊၵူဝ်ႊ ၊ ဝႅတ်ႊၼီႊသွႆႊလႃႊလႄႈ သီႊရီႊယိူဝ်ႊ ၸိူဝ်းၼႆႉ။
မိူဝ်ႈပၢၼ် ၸွမ်ၸိုင်ႈ ၵျူဝ်ႊပၢႆႊတၼ်ႊတႄႉ 1 ပီလႂ် ႁပ်ႉၵူၼ်းပၢႆႈၽေး 125,000 ၵေႃႉ (သႅၼ်ပၢႆ) ၵႂႃႇယူႇ သဝ်းတီႈမိူင်းဢမေႊရိၵၼ်ႊ – သိုဝ်ႇၶၢဝ်ႇ RFA ဢွၵ်ႇဝႆႉၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ