ဝၼ်းတီႈ 5/1/2025 ယၢမ်းၵၢင်ၶိုၼ်းမွၵ်ႈ 11 မူင်း ၸဝ်ႈၼႃႈတီႈထႆး ၵူတ်ႇထတ်းတီႉၺွပ်း လႆႈႁႅင်းၵၢၼ်မိူင်းမၢၼ်ႈ 24 ၵေႃႉ ၸိူဝ်းၶဝ်ႈမိူင်းထႆးဢမ်ႇၸႂ်ႈတၢင်းၵၢၼ် တီႈၸႄႈဝဵင်းမႄႈသွတ်ႈ ၸိုင်ႈတႆး။
ၼႂ်းႁႅင်းၵၢၼ် 24 ၵေႃႉၼၼ်ႉ ပဵၼ်ၵူၼ်းၸၢႆး 17 ၵေႃႉလႄႈ ၵူၼ်းယိင်း 7 ၵေႃႉ။ ၸိူဝ်းၶဝ် မူၵ်းၶီႇၵႂႃႇၸွမ်း ၵႃးတၢင်ႇ ၽၵ်းၶဵဝ်သေ ၶဝ်ႈၵႂႃႇတၢင်းၸႄႈဝဵင်းမႄႈသွတ်ႇ။ တီႉၺွပ်းလႆႈပႃး ၵူၼ်းၵၢင် (ပွႆးသႃး) ၵူၼ်းထႆး 2 ၵေႃႉ ဝႃႈၼႆ။
ႁႅင်းၵၢၼ်မိူင်းမၢၼ်ႈ 24 ၵေႃႉၼႆႉ လုၵ်ႉတီႈၶူဝ်လႅၼ်လိၼ်မျႃႉဝတီႇ – မႄႈသွတ်ႇသေ ဢၢၼ်းတေၶဝ်ႈၵႂႃႇ ၼႂ်းမိူင်းထႆးပွတ်းၵၢင်၊ ႁႅင်းၵၢၼ်ၼိုင်ႈၵေႃႉလႂ် လႆႈပၼ်ၵႃႈၸၢင်ႈ ငိုၼ်းထႆးမွၵ်ႈ 2 မိုၼ်ႇပၢတ်ႇ။
လိူဝ်ၼၼ်ႉ ယွၼ်ႉလုၵ်ႉတီႈ ၸႄႈဝဵင်းမျႃႉဝတီႇသေ ၶဝ်ႈၵႂႃႇလႄႈ ၾၢႆႇၸဝ်ႈၼႃႈတီႈထႆး ၵူတ်ႇထတ်းပႃး တၢင်းပဵၼ်တွင်ႉၵႂႃႇတွင်ႉႁေႈ ဢၼ်တိတ်းၸပ်းပဵၼ်ၼမ်ယူႇ ယၢမ်းလဵဝ်ၼႆႉ ၽူႈတူင်ႉၼိုင်ၾၢႆႇႁႅင်းၵၢၼ် မိူင်းမၢၼ်ႈ တွပ်ႇဝႆႉတီႈသိုဝ်ႇၶၢဝ်ႇ BBC ၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ