ဢိတ်ႉသ်ရေႊ ၶဝ်ႈတိုၵ်းတီႈထုင်ႉၵႃႊသႃႊသေ ႁဵတ်းႁႂ်ႈၵူၼ်းမိူင်းလူႉတၢႆၼမ်ၶိုၼ်ႈမႃး 45,553 ၵေႃႉ မၢတ်ႇၸဵပ်း 108,379 ၵေႃႉ – ၸဝ်ႈၼႃႈတီႈ ၾၢႆႇပၢႆးယူႇလီ တီႈထုင်ႉၵႃႊသႃႊ ပိုၼ်ၽၢဝ်ႇဝႆႉ ၼႂ်းဝၼ်းတီႈ 1/1/2025 ၼႆႉၼင်ႇၼႆ။
ယွၼ်ႉပၼ်ႁႃပၢင်တိုၵ်း ၼႂ်းၵႄႈဢိတ်ႉသ်ရေႊတင်း ႁႃးမၢတ်ႉသ်သေ ႁူဝ်ၼပ်ႉၵူၼ်းတီႈထုင်ႉၵႃႊသႃႊ ၼႂ်းပီ 2024 လူတ်းယွမ်းလိူဝ် မိူဝ်ႈပီ 2023 မွၵ်ႈ 6 % ။ ၵူၼ်းပႃႊလႅတ်ႊသတၢႆႊ မွၵ်ႈ 1 သႅၼ် လႆႈပၢႆႈဢွၵ်ႇ တီႈ ထုင်ႉၵႃႊသႃႊၼႆ- ငဝ်ႈငုၼ်းပိဝ်ႊရူဝ်ႊ ၾၢႆႇၵဵပ်းသဵၼ်ႈမၢႆ ပႃႊလႅတ်ႊသတၢႆႊ (PCBS) ပိုၼ်ၽၢဝ်ႇဝႆႉ ၼႂ်း ဝၼ်းတီႈ 31/12/2024 ၼၼ်ႉၼင်ႇ ၼႆ။
လိူဝ်ၼၼ်ႉ တေႃႇထိုင်လိူၼ်သႅပ်ႊထႅမ်ႊပိူဝ်ႊ ပီ 2024 ပူၼ်ႉမႃးၼႆႉ ႁူင်းႁဵၼ်းလူင်ပွင်ၸိုင်ႈ လူႉၵွႆ 77 လင်၊ တႃႇ 191 လင်သမ်ႉ ၺႃးပွႆႇမၢၵ်ႇသႂ်ႇ။ ယွၼ်ႉဢိတ်ႉသ်ရေႊ တိုၵ်းတေႃးသေ လုၵ်ႈႁဵၼ်း တီႈၵႃႊသႃႊ လူႉတၢႆ 11,714 ၵေႃႉ၊ မေႃသွၼ် လူႉတၢႆ 464 ၵေႃႉ ၼႆယဝ်ႉ။
ၸွမ်းၼင်ႇ ၶေႃႈမုလ်း PCBS သေ ၵၢၼ်ပၢႆးမၢၵ်ႈမီး တီႈထုင်ႉၵႃႊသႃႊၵေႃႈ တူၵ်းလူင်းၵႂႃႇႁၢဝ်ႈႁႅင်း။ ၼႂ်းပီ 2024 ပူၼ်ႉမႃးၼႆႉ GDP ပႃႊလႅတ်ႊသတၢႆႊ ယွမ်းလူင်းၵႂႃႇ 28% ၊ ၵူၼ်းႁၢမ်းၵၢၼ်ငၢၼ်းမီး 51% – သိုဝ်ႇၶၢဝ်ႇ DVB ဢွၵ်ႇဝႆႉၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ