ပလိၵ်ႈထႆး တီ့လႆႈမၢၵ်ႇၵွင်ႈၸိုၼ်းယၢမ်း ၼပ်ႉႁူဝ်ႁဵင် တီႈႁႅင်းၵၢၼ်ယၢၼ်မိူင်းမိူင်းမၢၼ်ႈ 9 ၵေႃႉ။
ဝၼ်းတီႈ 3/12/2024 ပလိၵ်ႈထႆး လဵပ်ႈဢဝ်ႁူမ်ႇလူမ်ႈၼႂ်းၸႄႈတွၼ်ႈ ၵၢၼ်ႊၶျၼပူႊရီႊ တီႉလႆႈႁႅင်းၵၢၼ်ယၢၼ်မိူင်း 9 ၵေႃႉ။ ထိုင်တီႈၵူတ်ႇထတ်းတူၺ်း လႆႈပႃးထႅင်ႈမၢၵ်ႇၵွင်ႈ 3000 လုၵ်ႈ ဢၼ်သႂ်ႇဝႆႉၼႂ်းတိူၵ်ႈၸေႈ ၼႂ်းႁွင်ႈလိုဝ်ႈသဝ်းၶဝ် ၶၢဝ်ႇ Bangkok Post ႁၢႆးငၢၼ်းဝႆႉၼင်ႇၼႆ။
ႁႅင်းၵၢၼ်မိူင်းမၢၼ်ႈ 9 ၵေႃႉ ၼႆ့ ယူႇသဝ်းၼႂ်းမိူင်းထႆးဝႆ့ လူၺ်ႈဢမ်ႇမီးဝတ်းဝႂ်ယူႇသဝ်းလႄႈႁဵတ်းၵၢၼ်။ ၼႂ်းၶဝ်ၼၼ်ႉၵေႃႉၼိုင်ႈသမ်ႉပဵၼ်ၵူၼ်းတေႃႉၵူၼ်းလၵ်ႉလွမ်ၶဝ်ႈမိူင်းထႆး လႄႈတေထုၵ်ႇပၼ်တူတ်ႈတၢမ်ႇ ၵူၼ်းၵႃႉၵူၼ်း ၊ ယွၼ်ႉမီးမၢၵ်ႇၵွင်ႈၸိုၼ်းယၢမ်းၼႂ်းမိုဝ်း ပလိၵ်ႈထႆးပိုၼ်ၽၢဝ်ႇၼင်ႇၼႆ။
မိူဝ်ႈဝၼ်းတီႈ 3/12/2024 ၼၼ်ႉၵူၺ်းၼင်ႇၵဝ်ႇ ပလိၵ်ႈထႆး တီႉလႆႈထႅင်ႈ ၵူၼ်းမိူင်းႁူမ်ႈတုမ်လၵ်ႉလွမ်ၶဝ်ႈမိူင်းထႆးလူၺ်ႈတၢင်းလႅၼ်လိၼ်ထႅင်ႈ 50 ၵေႃႉ။ၼႂ်းၼၼ်ႉပဵၼ် ၵူၼ်းၸၢႆး 37 ၵေႃႉလႄႈ ၵူၼ်းယိင်း 13 ၵေႃႉ သိုဝ်ႇၶၢဝ်ႇထႆးပိုၼ်ၽၢဝ်ႇဝႆႉၼင်ႇၼႆ။
တႄႇႁူဝ်ပီ 2024 မႃး တေႃႇထိုင်ယၢမ်းလဵဝ် ၸဝ်ႈၼႃႈတီႈထႆး ၵူတ်ႇထတ်းတီ့ၺွပ်းလႆႈ ႁႅင်းၵၢၼ်မိူင်းမၢၼ်ႈ ၸိူဝ်းၶဝ်ႈမိူင်းထႆး ဢမ်ႇၸႂ်ႈတၢင်းၵၢၼ်ၼႆ့ မီး 700 ၵေႃ့ၼႆ ၽူႈတူင့်ၼိုင်ၾၢႆႇႁႅင်းၵၢၼ်မိူင်းမၢၼ်ႈ လၢတ်ႈဝႆ့ၼင်ႇၼႆ။
