ႁွင်ႈၵၢၼ်ၶၢဝ်ႇ India Today တႅမ်ႈတၢင်ႇပိုၼ်ၽၢဝ်ႇဝႃႈ – မိူင်းၶႄႇ ႁၼ်သၢႆၶမ်းမႂ်ႇ ဢၼ်လၢမ်းၶၢတ်ႈဝႆႉဝႃႈ တေမီးၼမ်ႉ ၼၵ်းမွၵ်ႈ 1,000 မႅတ်ႊထရိတ်ႉတၼ်ႊ (ဢၼ်မီးၼမ်ႉၼၵ်းပဵင်း 1 လၢၼ်ႉ ၵီႊလူဝ်ႊၵရမ်ႊ) ဝႃႈၼႆ။

လွင်ႈၼႆႉ ၶၢဝ်ႇၸိုင်ႈမိူင်း မိူင်းၶႄႇတႄႉ ပိုၼ်ၽၢဝ်ႇဝႆႉဝႃႈ – မိူင်ၶမ်းၼႆႉ ႁၼ်တီႈၸႄႈတွၼ်ႈၽိင်ႊၵျၢင်ႊ ၸႄႈမိူင်းႁူႊ ၼၢၼ်ႊ။ ၽူႈလူင်ႉလႅၼ်ႇ ပၢႆးပိုၼ်ႉလိၼ်မိူင်းၶႄႇ လၢတ်ႈဝႃႈ- သၢႆၶမ်းၼႆႉ လိုၵ်ႉလူင်းတႂ်ႈပိုၼ်ႉလိၼ် မွၵ်ႈ 2 ၵီႊလူဝ်ႊမီႊတိူဝ်ႊ။ မီးသၢႆၶမ်းထိုင် 40 သၢႆ။ ပေႃးၶုတ်းဢဝ်ၸိုင် ၸၢင်ႈလႆႈၶမ်းထိုင် 1 လၢၼ်ႉၵီႊလူဝ်ႊၵရမ်ႊ။ ၵႃႈၶၼ်တေမီးမွၵ်ႈ 83,000 လၢၼ်ႉတေႃႊလႃႊ။ ယႂ်ႇလိူဝ် သၢႆၶမ်း မိူင်းဢႅပ်ႉၾရိၵလႄႈ ယၢမ်းလဵဝ် သၢႆၶမ်းမိူင်းၶႄႇၼႆႉ ၶဝ်ႈပဵၼ်သၢႆ ၶမ်း ဢၼ်ယႂ်ႇသုတ်းၼႂ်း လုမ်ႈၾႃႉယဝ်ႉ – ဝႃႈၼႆ။

ဢိင်ၼိူဝ် မိူင်းၶႄႇ ႁၼ်သၢႆၶမ်းမႂ်ႇ ဢၼ်ယႂ်ႇသုတ်း ၼႂ်းလုမ်ႈၾႃႉၼႆႉသေ ၽူႈလူင်ႉလႅၼ်ႇ ၾၢႆႇၵၢၼ်ၵႃႉၶၢႆၶမ်း လုမ်ႈ ၾႃႉၶဝ်တႄႉ တူၵ်ႇလၢတ်ႈဝႃႈ – တေမီးၽွၼ်းလီ တွၼ်ႈတႃႇမိူင်းၶႄႇတႄႉတႄႉ။ ယွၼ်ႉဝႃႈ မိူဝ်ႈပႆႇႁၼ် သၢႆၶမ်းယႂ်ႇၼႆႉ ၵေႃႈ  လွင်ႈႁဵတ်းဢွၵ်ႇၶမ်း ၼႂ်းလုမ်ႈၾႃႉၼႆႉ မိူင်းၶႄႇပႃးဝႆႉ 10 ပိူဝ်ႊသႅၼ်ႊယဝ်ႉ၊ လွၵ်းၵၢတ်ႇၶမ်းလုမ်ႈၾႃႉၼႆႉ မိူင်း ၶႄႇ ၵုမ်းလႆႈဝႆႉသေ ၼႂ်းပီ 2024 ၼႆႉ ၶမ်းမိူင်း ၶႄႇ ဢၼ်လူၼ်ႉလွၵ်းၵၢတ်ႇသေ ၵႅမ်ဝႆႉၼႂ်းမိုဝ်း မီးယူႇ 2,000 တၼ်ႊ India Today တႅမ်ႈမၢႆဝႆႉၼင်ႇၼႆ။  

ဢၢင်ႈဢိင် – Eleven