ၼႂ်းဝၼ်းတီႈ 26/11/2024 ၼႆႉ သိုၵ်းဢိတ်ႉသရေႊတင်း သိုၵ်းႁိသ်ပူဝ်ႊလႃႊ လႆႈၶေႃႈတူၵ်းလူင်း ၵိုတ်းတိုၵ်းၵၼ်ယဝ်ႉ ဝႃႈၼႆ။

သိုၵ်းဢိတ်ႉသရေႊတင်း သိုၵ်းႁိသ်ပူဝ်ႊလႃႊၼႆႉ ပဵၼ်ပၢင်တိုၵ်းၵၼ်မႃး ႁိုင်ၶၢဝ်းတၢင်းပီပၢႆ ၊ ၼင်ႇႁိုဝ် သွင်ၸုမ်း တေ ၵိုတ်းတိုၵ်းၵၼ်လႆႈၼၼ်ႉ မိူင်းဢမေႊရိၵၼ်ႊ ၶဝ်ႈၵႄႈၵၢင်သေ ဢုပ်ႇဢူဝ်းၸွႆႈ ထႅမ်မႃး။

ယွၼ်ႉၼၼ် ဢိင်ၼိူဝ်သွင်ၸုမ်း တူၵ်းလူင်းၵိုတ်းတိုၵ်းၵၼ်လႆႈၼၼ်ႉ ယူႇတီႈ မိူင်းဢမေႊရိၵၼ်ႊ ႁူမ်ႈၸူမ်းၸွမ်းတႄႉတႄႉ၊ မုင်ႈမွင်းဝႆႉဝႃႈ ပၢင်တိုၵ်းတီႈလႅၼ်လိၼ် ဢိတ်ႉသရေႊတင်း လႅတ်ႊပၼုၼ်ႊ ၸၢင်ႈၵိုတ်းတိုၵ်းၵႂႃႇၼႆ ၵျူဝ်ႊပၢႆႊတႅၼ်ႊ ၸွမ်ၸိုင်ႈမိူင်းဢမေႊရိၵၼ်ႊ လၢတ်ႈၼင်ႇၼႆ။

လိူဝ်ၼၼ်ႉ ၼင်ႇႁိုဝ် သိုၵ်းဢိတ်ႉသရေႊတင်း သိုၵ်းႁႃႊမၢတ်ႉသ် တေၵိုတ်းတိုၵ်းၵၼ်ၼၼ်ႉၵေႃႈ မိူင်းဢမေႊရိၵၼ်ႊ တေသိုပ်ႇပၼ်ႁႅင်းဢီးၵႂႃႇ ဝႃႈၼႆ။

ၽွင်းၼင်ႇၼႆ ၼႂ်းဝၼ်းတီႈ 26 ၼႆႉ သိုၵ်းဢိတ်ႉသရေႊ ဢဝ်ၶိူင်ႈမိၼ်တိုၵ်း ပွႆႇမၢၵ်ႇၼႂ်းမိူင်း လႅတ်ႊပၼုၼ်ႊ ၵူၼ်းမိူင်းလူႉတၢႆ ဢမ်ႇယွမ်း 24 ၵေႃႉသေ တိုၵ်ႉၶဵင်ႈၶႅင်ၵၢၼ်သိုၵ်းတေႃႇၵၼ်ဝႆႉ။