ၶၢဝ်းတၢင်းသိုၵ်းမၢၼ်ႈ ယိုတ်းမိူင်းမႃး ၸမ် 4 ပီၼႆႉ ႁဵတ်းႁႂ်ႈလုၵ်ႈဢွၼ်ႇ လူႉတၢႆမီး 671 ၵေႃႉယဝ်ႉ လွင်ႈလုၵ်ႈဢွၼ်ႇ လူႉတၢႆ ယွၼ်ႉသိုၵ်းမၢၼ်ႈၼႆႉ တိူဝ်ႉၼမ်မႃးၵူႈပီၼႆ ၸုမ်းၸွႆႈထႅမ်ၵူၼ်းတူၵ်းၶွၵ်ႈ ၵၢၼ်မိူင်း AAPP ႁၢႆးငၢၼ်းဝႆႉ မိူဝ်ႈဝၼ်းတီႈ 20/11/2024 ၼႆႉၼင်ႇၼႆ။
ပူၼ်ႉမႃး မိူဝ်ႈဝၼ်းတီႈ 15 ၼႆႉ ၶိူင်ႈမိၼ်သိုၵ်းမၢၼ်ႈ ပွႆႇမၢၵ်ႇသႂ်ႇ ၼႂ်းမိူင်းၶၢင် တိူဝ်ႉၺႃးၵူၼ်းပၢႆႈၽေးသိုၵ်း တၢႆ 9 ၵေႃႉ၊ ၼႂ်းၼၼ်ႉ ပႃးလုၵ်ႈဢွၼ်ႇ 7 ၵေႃႉ ဝႃႈၼႆ။
ဢိင်ၼိူဝ်လွင်ႈၼႆႉ ၼေႃႇသူသႅၼ်ၼႃႇ လႃႉလႃႉၸူဝ်း (နော်စူဆန်နာလှလှစိုး) ၽွင်းလူင်ၾၢႆႇ ၼၢင်းယိင်း၊ ၵူၼ်းၼုမ်ႇလႄႈ လုၵ်ႈဢွၼ်ႇ လူင်ပွင်ၸိုင်ႈ ၽွမ်ႉႁူမ်ႈၸိူဝ်ႉၸၢတ်ႈ NUG လၢတ်ႈဝႃႈ ၼင်ႇႁိုဝ် သိုၵ်းမၢၼ်ႈ တေဢမ်ႇလႆႈ ၼမ်ႉမၼ်းၶိူင်ႈမိၼ်တိုၵ်းၼၼ်ႉ ထုၵ်ႇလီၼႅတ်ႈႁႄႉႁၢမ်ႈၵႂႃႇ ဝႃႈၼႆ။
ဝၢႆးလင် သိုၵ်းမၢၼ်ႈယိုတ်းမိူင်း တေႃႇထိုင်ဝၼ်းတီႈ 20 ၼႆႉ ၵူၼ်းမိူင်း ဢိၵ်ႇပႃး ၵူၼ်းႁဵတ်းၵၢၼ်မိူင်း ၺႃးသိုၵ်းမၢၼ်ႈ ၶႃႈတၢႆ 5,973 ၵေႃႉၼႆ AAPP ႁၢႆးငၢၼ်းဝႆႉၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ