ပူၼ်ႉမႃး ဝၼ်းတီႈ 18/11/2024 ယၢမ်းဝၢႆးဝၼ်းမွၵ်ႈ 4 မူင်းၶိုင်ႈၼၼ်ႉ ၾႆးမႆႈႁိူၼ်းယေး လုင်းၼေႃႇသႅင် ပွၵ်ႉ 4 ဝဵင်းၵူတ်ႉၶၢႆ ၸႄႈတွၼ်ႈမူႇၸေႊ ၸိုင်ႈတႆးပွတ်းႁွင်ႇ လင်ၼိုင်ႈ။
ၵူၼ်းၵူတ်ႉၶၢႆ ၽူႈၸၢႆး ဢႃယု 40 ပၢႆ ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ – “ၸႂ်ႈၶႃႈဢေႃႈ ၾႆးမႆႈႁိူၼ်း လင်ၼိုင်ႈ လုၵ်ႈဢွၼ်ႇလဵၼ်ႈၾႆးၶိတ်ႇသေ မႆႈၼႆၶႃႈဢေႃႈ”- ဝႃႈၼႆ။
ဢိင်ၼိူဝ် လွင်ႈၾႆးမႆႈၼႆႉသေ ယူႇတီႈ ႁွင်ႈၵၢၼ် ပိုၼ်ၽၢဝ်ႇ ၶွင်တပ်ႉသိုၵ်းတဢၢင်း TNLA တႄႉ ဢွၵ်ႇဝႆႉဝႃႈ – ၵဵဝ်ႇလူၺ်ႈ လွင်ႈၾႆးမႆႈၼႆႉ ယွၼ်ႉၸဝ်ႈႁိူၼ်းၵႂႃႇမႄးၾႆးသေ ၾႆးၾႃႉၸင်ႇလၢမ်းမႆႈႁိူၼ်း။ ၶူဝ်းၶွင် ႁိူၼ်းယေး ဢၼ်လႆႈမႆႈၵႂႃႇၸွမ်းၾႆးသမ်ႉ ရူတ်ႉၶိူင်ႈ 2 လမ်း၊ သၢႆၶေႃး 1 သဵၼ်ႈ၊ ၶဝ်ႈသၢၼ် 2 ထူင်၊ တိူၵ်ႈသႂ်ႇၶူဝ်းလႄႈ ၽိုၼ်ဝၢၼ်ႇ ၸိူဝ်း ၼႆႉ – ဝႃႈၼႆ။
ပူၼ်ႉမႃး မိူဝ်ႈဝၼ်းတီႈ 25/04/2024 ၼၼ်ႉၵေႃႈ ၾႆးမႆႈႁိူၼ်းယေး ၵူၼ်းမိူင်း လင်ၼိုင်ႈ တီႈပွၵ်ႉ 2 ဝဵင်းၵူတ်ႉၶၢႆ ၼၼ်ႉၵေႃႈ ၾႆးတႄႇလုၵ်ႉမႆႈမႃး တီႈသိုင်ႇၾႆး ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ