ၵူၼ်းၸၢႆး ၵေႃႉၼိုင်ႈ ယိပ်းၵွင်ႈယၢဝ်း ၶဝ်ႈၸူၼ် ၼႂ်းပၢမ်ႉၼမ်ႉမၼ်း Danko တီႈၸႄႈဝဵင်းဢမရပူႇရ ဝဵင်းလိူဝ်ႇ သုမ်းပႃးၵႂႃႇငိုၼ်း 12 သႅၼ်ပၢႆ ဝႃႈၼႆ။
ဝၼ်းတီႈ 17/11/2024 ယၢမ်းဝၢႆးဝၼ်းမွၵ်ႈ 2 မူင်း ၵူၼ်းၸၢႆး ဢႃယု မွၵ်ႈ 25 ပီ ၵေႃႉၼိုင်ႈ ယိပ်းၵွင်ႈယၢဝ်း ၶဝ်ႈၸူၼ် ၼႂ်းပၢမ်ႉၼမ်ႉမၼ်း Danko တီႈဝၢၼ်ႈမုၵ်ႉပလႄး ၸႄႈဝဵင်းဢမရပူႇရသေ မၼ်းၸၢႆး လၼ်ႇၵွင်ႈယိုဝ်းမွၵ်ႈ 5 ၵမ်းယဝ်ႉ ၸူၼ်ဢဝ်ၵႂႃႇငိုၼ်း လႆႈၵႂႃႇမွၵ်ႈ 12 သႅၼ်ပျႃးပၢႆ ဝၢႆးၼၼ်ႉ ၶီႇရူတ်ႉၶိူင်ႈဢွၵ်ႇပၢႆႈၵႂႃႇ ၵမ်းလဵဝ်။
ပၢမ်ႉၼမ်ႉမၼ်းၼႆႉ မီးဝႆႉၼိူဝ်သဵၼ်ႈတၢင်းလူင် ထုင်းၽူဝ်ႇ – ပၢင်ႇဢူး လိူဝ်ၼၼ်ႉ တီႈထုင်းၽူဝ်ႇၵေႃႈ သိုၵ်းမၢၼ်ႈပလိၵ်ႈမၢၼ်ႈ တင်ႈၵဵတ်ႉလၢၼ်ႇသေ ပႂ်ႉဝႆႉတင်းၼမ် ဝႃႈၼႆ။
ပူၼ်ႉမႃး မိူဝ်ႈလိူၼ်မေႊၼၼ်ႉၵေႃႈ ပၢမ်ႉၼမ်ႉမၼ်း Danko ဢၼ်မီးတီႈတၢင်းၽႄဝဵင်းလိူဝ်ႇ – ၸႄႈၵႅင်း ၼႂ်းၸႄႈဝဵင်းဢမရပူႇရၼႆႉ ၺႃးၵူၼ်းၸၢႆး 3 ၵေႃႉ ၶဝ်ႈၸူၼ် လႆႈၵႂႃႇငိုၼ်း 250 ပၢႆ – သိုဝ်ႇၶၢဝ်ႇ People’s Spring ဢွၵ်ႇဝႆႉၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ