သွင်မႄႈလုၵ်ႈ ၺႃးၽၼ်းတၢႆၸွမ်းတၢင်း ၽွင်းၵႂႃႇသူၼ်ၶဝ်ႈၵၢပ်ႇ တီႈၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ။
ဝၼ်းတီႈ 17/11/2024 ယၢမ်းၵၢင်ၼႂ် ၵေႃႉပဵၼ် ပႃႈၼၢင်းၶမ်း ဢႃယု 45 ပီလႄႈ လုၵ်ႈယိင်း ၼၢင်းမူဝ်ၶမ်း ဢႃယု 23 ပီ ၵူၼ်းဝၢၼ်ႈၼမ်ႉႁူးပၢင်ၸူင် ဢိူင်ႇပုင်ႇဝူဝ်း ၼႂ်းၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ ၺႃးၵူၼ်းဢမ်ႇႁူႉၾၢႆႇ ၽၼ်းတၢႆၸွမ်းတၢင်း တင်းသွင်မႄႈလုၵ်ႈ။
ၵူၼ်းၵျွၵ်ႉမႄး ၽူႈယိင်း ၵေႃႉၼိုင်ႈ လၢတ်ႈၽူႈတွႆႇႁွၵ်ႈဝႃႈ – “ၵေႃႉပဵၼ် လုၵ်ႈယိင်းၼၢင်းမူဝ်ၶမ်းသမ်ႉ ၵႂႃႇသူၼ်ၶဝ်ႈၵၢပ်ႇ ၸဵမ်မိူဝ်ႈၵၢင်ၼႂ်ၸဝ်ႉ 7 မူင်း။ ၵေႃႉပဵၼ်မႄႈ ပႃးၼၢင်းၶမ်းသမ်ႉ ႁဵတ်းၶဝ်ႈၽၵ်းသေ ၸွမ်းၵႂႃႇတၢင်းလင်။ ထိုင်မႃး ယၢမ်း 10 မူင်း ၵေႃႉပဵၼ်ၽူဝ် ပႃးၼၢင်းၶမ်း ၸင်ႇၸွမ်းၵႂႃႇတၢင်းလင်သေ ၵႂႃႇထူပ်းႁၼ် ၶဝ်မႄႈလုၵ်ႈ ၺႃးၽၼ်းတၢႆဝႆႉ ၸွမ်းတၢင်းၶႃႈဢေႃႈ”- ဝႃႈၼႆ။
ဢိင်ၼိူဝ် လွင်ႈၵူၼ်းဝၢၼ်ႈၼမ်ႉႁူးပၢင်ၸူင် သွင်မႄႈလုၵ်ႈ ၺႃးၽၼ်းတၢႆၸွမ်းတၢင်းၼႆႉသေ ယူႇတီႈၸုမ်းၸွႆႈထႅမ် ပရႁိတ လႆႈၵႂႃႇတေႃႉဢဝ်ၶၢပ်ႈတူဝ်မႃးဝႆႉတီႈ ႁူင်းယႃၼွင်ပိင် တႃႇၵူတ်ႇထတ်းလွင်ႈပိူင်ပဵၼ်မၼ်း ဝႃႈၼႆ။
ၵဵဝ်ႇလူၺ်ႈလွင်ႈၵူၼ်းႁၢႆႉ ဢၼ်ၶႃႈႁႅမ်တၢႆသွင်မႄႈလုၵ်ႈၼၼ်ႉသေ ႁၢၼ်ႉေတေႃႇထိုင်ယၢမ်းလဵဝ် ပႆႇတီႉၺွပ်းလႆႈ ဝႃႈ ၼႆ။
ယၢမ်းလဵဝ် ၼႂ်းၸႄႈဝဵင်းၵျွၵ်ႉမႄးၼႆႉ ယူႇတီႈ တပ်ႉသိုၵ်းတဢၢင်း TNLA လႄႈ သိုၵ်းတႆး SSPP/ SSA ယိုတ်းၵုမ်းလႆႈဝႆႉသေ တူင်ႉၼိုင်ၵႂႃႇမႃးယူႇဝႆႉ ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ