ဝၼ်းတီႈ 06/11/2024 ယၢမ်းၵၢင်ၼႂ်ၸဝ်ႉ ၵႃးထရႅၵ်ႉ ၽႃႇသႂ်ႇ ရူတ်ႉၵႃးတေႃႉတၢင်ႇႁႅင်းၵၢၼ် မိူင်းမၢၼ်ႈ လမ်းၼိုင်ႈ တီႈ Surat Thani မိူင်းထႆး ႁႅင်းၵၢၼ်မိူင်းမၢၼ်ႈ လူႉတၢႆ 4 ၵေႃႉ၊ မၢတ်ႇၸဵပ်း 9 ၵေႃႉ ဝႃႈၼႆ။
ဢွင်ႈတီႈ ရူတ်ႉၵႃးၽႃႇၺႃးၵၼ်ၼၼ်ႉ မီးၵူၼ်းလူႉတၢႆထင်တီႈ 3 ၵေႃႉ ပႃးၵူၼ်းၶပ်းရူတ်ႉ။ လိူဝ်ၼၼ်ႉ ၵူၼ်းၸၢႆး 6 ၵေႃႉလႄႈ ၼၢင်းယိင်း 4 ၵေႃႉ မၢတ်ႇၸဵပ်း – ၶၢဝ်ႇ Bangkok Post ႁၢႆးငၢၼ်းဝႆႉၼင်ႇၼႆ။
ၵူၼ်းၸိူဝ်းမၢတ်ႇၸဵပ်းၼၼ်ႉ လႆႈသူင်ႇယူတ်းယႃတူဝ် တီႈႁူင်းယႃၵမ်းသိုဝ်ႈသေတႃႉ ၼႂ်းၼၼ်ႉ လူႉတၢႆၵႂႃႇထႅင်ႈ ၵေႃႉ ၼိုင်ႈ။ ႁႅင်းၵၢၼ်ယၢၼ်မိူင်း 2 ၵေႃႉ ဢၼ်ၶီႇမႃးၸွမ်း တီႈၼိူဝ်ၵႃးၼၼ်ႉၵေႃႈ ၺႃးပလိၵ်ႈထႆး တီႉၺွပ်း ၽွင်းပၢႆႈဝႆႉ ႁိမ်းၶၢင်ႈတၢင်း။
ၾၢႆႇပလိၵ်ႈထႆး ပိုၼ်ၽၢဝ်ႇလၢတ်ႈဝႃႈ ရူတ်ႉၵႃးတေႃႉတၢင်ႇႁႅင်းၵၢၼ် မိူင်းမၢၼ်ႈ ပဵၼ်ၽေးၵိုင်ႉၵၢင်ႉ ၽွင်းလုၵ်ႉတီႈၵုင်းထဵပ်ႈ တေၵႂႃႇ Phatthalung ၼၼ်ႉ။ လွင်ႈၼႆႉ တေပဵၼ်ယွၼ်ႉၵူၼ်းၶပ်းရူတ်ႉၵႃး ထရႅၵ်ႉ ငဝ်ၼွၼ်း မိူဝ်ႈၽွင်းၶပ်းရူတ်ႉ ဢမ်ႇၼၼ်ႉ ယွၼ်ႉၶပ်းရူတ်ႉၵႃးဝႆးႁႅင်း – သိုဝ်ႇၶၢဝ်ႇ VOA ဢွၵ်ႇဝႆႉၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ