တီႈဝဵင်းၵဵင်းမႂ်ႇလႄႈ ဝဵင်းၵုင်းထဵပ်ႈ (မိူင်းၵွၵ်ႇ) မိူင်းထႆးၼၼ်ႉ ဝၢႆးသေ လႆႈထူပ်းၽေးၼမ်ႉလုပ်ႇၼွင်းထူမ်ႈယဝ်ႉ လႆႈထူပ်းပႃး ၽေးလူမ်းဝူၺ်ႇႁင်ႈထႅင်ႈႁၢဝ်ႈႁႅင်းၼႆ – ၶၢဝ်ႇ Bangkok Post ႁၢႆးငၢၼ်းၵႂႃႇ မိူဝ်ႈဝၼ်းတီႈ 25/10/2024 ၼႆႉ ၼင်ႇၼႆ။
ၸွမ်းၼင်ႇ သဵၼ်ႈမၢႆ ၸုမ်းၾၢႆႇထတ်းထွင်လူမ်း IQAir မိူင်းသဝိတ်ႊၸိူဝ်ႊလႅၼ်ႊ(Switzerland) သေ ၼႂ်းဝဵင်း 50 ဝဵင်း ဢၼ်မီးလူမ်းဝူၺ်ႇႁင်ႈႁၢႆႉႁႅင်းသုတ်း ၼႂ်းလုမ်ႈၾႃႉၼၼ်ႉ ၶဝ်ႈပႃးဝဵင်းၵဵင်းမႂ်ႇလႄႈ ၵုင်းထဵပ်ႈ မိူင်းထႆး ဝႃႈၼႆ။
ၼႂ်းသဵၼ်ႈမၢႆၼၼ်ႉ ဝဵင်းတေႊလီႊ(Delhi) မိူင်းဢိၼ်ႊတီႊယိူဝ်ႊ(India) ပဵၼ်ဝဵင်းမီးလူမ်းဝူၺ်ႇႁင်ႈႁၢႆႉႁႅင်းသုတ်းမၢႆ 1 သေ ဝဵင်းႁႃႊၼွႆး(Hanoi) မိူင်းဝႅတ်ႉၼၢမ်း(Vietnam) သမ်ႉ ပဵၼ်မၢႆ 4 ၊ ဝဵင်းၵုင်းထဵပ်ႈ မိူင်းထႆးသမ်ႉ ပဵၼ်ဝႆႉ မၢႆ 13 – ၼႆယဝ်။
တီႈဝဵင်းၵဵင်းမႂ်ႇၼၼ်ႉသမ်ႉ မိူဝ်ႈဝၼ်းတီႈ 24 လိူၼ်သႅပ်ႊထႅမ်ႊပိူဝ်ႊ ပူၼ်ႉမႃးၼႆႉ ၶီႈၵူမ်ႇငႂ်ႈ ဢၼ်ၵိုတ်း ၶင်ႉဝႆႉ မိူဝ်ႈ ၼမ်ႉလုပ်ႇၼွင်းထူမ်ႈၼၼ်ႉႁႅင်ႈသေ ယဵၼ်းပဵၼ်ၾုၼ်ႇမုၵ်ႉ ပိဝ်ၵႂႃႇၼႂ်းလူမ်းလႄႈ ၸင်ႇႁဵတ်းႁႂ်ႈလူမ်ႈဝူၺ်ႇႁင်ႈႁၢႆႉႁႅင်းမႃး – သိုဝ်ႇၶၢဝ်ႇ RFA ဢွၵ်ႇဝႆႉၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ