ၸွမ်းၼင်ႇ ၶပ်ႉမၢႆၶၢဝ်းတၢင်းသၢႆၵၢၼ်မိၼ် ဢၼ်လႆႈႁၢင်ႈႁႅင်းဝႆႉသေ ၶိူင်ႈမိၼ်ပွႆႇမၢၵ်ႇ သႅၼ်း Tu – 95 MS မိူင်းရတ်ႉသျႃႊ (Russia) 2 လမ်း လႆႈမိၼ်ၼိူဝ်ၼႃႈၼမ်ႉပၢင်ႇလၢႆႇမိူင်းၵျပၼ်ႊ(Japan) ၼႆ – ၽွင်းလူင် ၾၢႆႇၵႅတ်ႇၶႄ မိူင်းရတ်ႉသျႃႊ လၢတ်ႈၵႂႃႇၼႂ်းဝၼ်းတီႈ 22/10/2024 ၼႆႉၼင်ႇၼႆ။
ၶိူင်ႈမိၼ်ၸိူဝ်းၼႆႉ မီးပႃးၶိူင်ႈမိၼ်တိုၵ်း သႅၼ်း SU – 30 SM လွမ်ႉႁွပ်ႈသေ လႆႈမိၼ်ၼိူဝ် ၼႃႈၼမ်ႉပၢင်ႇလၢႆႇ ႁိုင်ၶၢဝ်းတၢင်း 10 ၸူဝ်ႈမူင်း။ လွင်ႈၼႆႉပဵၼ်ၵႂႃႇ ဝၢႆးလင် ရတ်ႉသျႃႊလႄႈ ၶႄႇ ႁူမ်ႈၵၢၼ်ၾိုၵ်းၽွၼ်ႉၵၢၼ်သိုၵ်း တီႈၼႂ်းၼမ်ႉပၢင်ႇလၢႆႇ မိူင်းၵျပၼ်ႊ။
ၸုမ်းဢူၺ်းလီ ဢတ်ႉတလၢၼ်ႊတဵၵ်ႉ ပွတ်းႁွင်ႇ (NATO) လၢတ်ႈဝႃႈ ၶိူင်ႈမိၼ် Bear H ၼႆႉ မိူဝ်ႈဝၼ်းတီႈ 30 လိူၼ် ၵျူႊလၢႆႊၼၼ်ႉၵေႃႈ မိၼ်လတ်းၶၢမ်ႈ ၾင်ႇပၢင်ႇလၢႆႇ ဢႃႊလႃႊသၵႃႊ မိူင်းဢမေႊရိၵၼ်ႊ၊ ဝၢႆးလင်ၼၼ်ႉ သိုပ်ႇမိၼ်တီႈၼိူဝ် ၼမ်ႉပၢင်ႇလၢႆႇၵျပၼ်ႊ ပွတ်းၸၢၼ်း ဝႃႈၼႆ။
ၼႂ်းလိူၼ်ဢွၵ်ႊထူဝ်ႊပိူဝ်ႊၼႆႉၵေႃႈ ၸွပ်ႇႁၼ် ၶိူင်ႈမိၼ်ပွႆႇမၢၵ်ႇ မိူင်းရတ်ႉသျႃႊ တီႈႁိမ်းၾင်ႇပၢင်ႇလၢႆႇ မိူင်းဢမေႊရိ ၵၼ်ႊ – သိုဝ်ႇၶၢဝ်ႇ DVB ဢွၵ်ႇဝႆႉၼင်ႇၼႆ။
 2 လမ်း လႆႈမိၼ်ၼိူဝ်ၼႃႈၼမ်ႉပၢင်ႇလၢႆႇမိူင်းၵျပၼ်ႊ(Japan) ၼႆ - ၽွင်းလူင် ၾၢႆႇၵႅတ်ႇၶႄ မိူင်းရတ်ႉသျႃႊ လၢတ်ႈၵႂႃႇၼႂ်းဝၼ်းတီႈ 22/10/2024 ၼႆႉၼင်ႇၼႆ။){kind=link}