မိူဝ်ႈၼႆႉ ဝၼ်းတီႈ 18/10/2024 ယၢမ်းၵၢင်ၼႂ် 8 မူင်းၶိုင်ႈ မီးၵူၼ်းဢမ်ႇႁူႉၾၢႆႇ ၶီႇရူတ်ႉၶိူင်ႈမႃးထိုမ်ႈမၢၵ်ႇသႂ်ႇ တီႈႁိူၼ်း ၵူၼ်းမိူင်း ပွၵ်ႉဢွင်ႇမႅတ်ႉတႃႇ ဝဵင်းၼမ်ႉၶမ်း ၸႄႈတွၼ်ႈမူႇၸေႊ ၸိုင်ႈတႆးပွတ်းႁွင်ႇ လႅၼ်လိၼ်တႆး – ၶႄႇ။
ၵူၼ်းပိုၼ်ႉတီႈ ဝဵင်းၼမ်ႉၶမ်း လၢတ်ႈတီႈၽူႈတွႆႇႁွၵ်ႈဝႃႈ – “မီးၵူၼ်းၶီႇရူတ်ႉၶိူင်ႈ လမ်းၼိုင်ႈ မႃးထိုမ်ႈမၢၵ်ႇပွမ်းသႂ်ႇ ၼႂ်း ႁိူၼ်းယေးပီႈၼွင်ႉၶႄႇ လင်ၼိုင်ႈ တႅၵ်ႇတိူဝ်ႉသႂ်ႇ ရူတ်ႉၵႃးလႄႈ ႁိူၼ်းယေးလူႉလႅဝ် ဢိတ်းဢီႈ။ လွင်ႈတုမ်ႉတိူဝ်ႉၵူၼ်းမၢတ်ႇၸဵပ်းလူႉတၢႆတႄႉ ဢမ်ႇမီး။ လႆႈငိၼ်းဝႃႈ ႁိူၼ်းယေး ၵူၼ်းမိူင်းဢၼ်ၺႃးမၢၵ်ႇ မႃးထိုမ်ႈသႂ်ႇၼၼ်ႉ ၶဝ်ယၢမ်ႈပဵၼ် ႁူဝ်ၼႃႈပျီႇတူႉၸိတ်ႉမႃး”- ဝႃႈၼႆ။
ဝၢႆးသဵင် မၢၵ်ႇတႅၵ်ႇၼႆႉယဝ်ႉ ယူႇတီႈ သိုၵ်းတဢၢင်း TNLA ပိၵ်ႉဢိုတ်းတၢင်းၶဝ်ႈဢွၵ်ႇ တီႈၵဵတ်ႉ/ လၢၼ်ႇ တၢင်းႁူဝ်ဝဵင်းႁၢင်ဝဵင်း မိူၼ်ၼင်ႇ – သဵၼ်ႈတၢင်းဢွၵ်ႇၵႂႃႇမူႇၸေႊ – မၢၼ်ႈဝဵင်းလူင် ၸိူဝ်းၼႆႉ။
တီႈဝဵင်းၼမ်ႉၶမ်းၼႆႉ ယူႇတီႈ တပ်ႉသိုၵ်းတဢၢင်း TNLA ယိုတ်းၵုမ်းလႆႈဝႆႉ တင်ႈတႄႇ ၵၢင်လိူၼ်တီႊသႅမ်ႊပိူဝ်ႊ 2023 ၼၼ်ႉမႃး ႁၢၼ်ႉတေႃႇထိုင်ယၢမ်းလဵဝ် ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ