ဝၼ်းတီႈ 12/10/2024 ၼႆႉ မိူင်းဢမေႊရိၵၼ်ႊ ၸတ်းႁဵတ်းပွႆးႁူင်းၾႆးမိၼ် ၵူႈမိူင်းမိူင်း ဢႅဝ်ႊပႃႊၵႃႊၵွီႊ (Albuquerque International Balloon Fiesta) တီႈၸႄႈတွၼ်ႈ ၼိဝ်ႊမႅၵ်ႊသီႊၵူဝ်ႊ (New Mexico) မိူင်းဢမေႊရိၵၼ်ႊ၊ ပဵၼ်ပွႆးႁူင်းၾႆးမိၼ် ဢၼ်မီးၵူၼ်းၶီႇၸွမ်းလႄႈ ယႂ်ႇလိူဝ်ပိူၼ်ႈ ၼႂ်း လုမ်ႈၾႃႉ။
ပွႆးႁူင်းၾႆးမိၼ်ၼႆႉ တႄႇၸတ်းႁဵတ်းမႃး ၸဵမ်မိူဝ်ႈပီ 1972 ။ ၸတ်းႁဵတ်းၼႂ်းလိူၼ်ဢွၵ်ႊထူဝ်ႊပိူဝ်ႊ ၵူႈပီသေ ႁိုင်ၶၢဝ်းတၢင်း 9 ဝၼ်း၊ မီးႁူင်းၾႆးမိၼ် ႁိမ်းၸမ် 1,000 လုၵ်ႈ၊ ယွၼ်ႉမီးလွင်ႈယၢပ်ႇၽိုတ်ႇ မိူဝ်ႈတေလူင်းၶိုၼ်းၼိူဝ်လိၼ်လႄႈ ၸင်ႇမၵ်းမၼ်ႈဝႆႉ ဢမ်ႇပၼ်ပူၼ်ႉ 1,000 လုၵ်ႈ – ၼႆယဝ်ႉ။
မိူဝ်ႈတႄႇၸတ်းႁဵတ်းၼၼ်ႉ ပိူဝ်ႈတႃႇမၵ်းမၼ်ႈ ဝၼ်းၵေႃႇတင်ႈ လႅင်းရေႇတီႇယူဝ်ႇ 770 KOB ၶွပ်ႈတဵမ် (50) ပီၼႆသေ မိူဝ်ႈၼၼ်ႉ မီးႁူင်းၾႆးမိၼ် 13 လုၵ်ႈ။ ဝၢႆးၼၼ်ႉ ယဵၼ်းပဵၼ်မႃး ပွႆးၵူႈမိူင်းမိူင်း ဢၼ်မီးပႃးပၢင်ၶေႉၶဵင်ႇလႄႈ ႁဵတ်းႁႂ်ႈၸိုဝ်ႈသဵင်လိုဝ်းလင်မႃး။
ၾၢင်ႁၢင်ႈႁူင်းၾႆးမိၼ်ၼႆႉ တေမီးလွင်ႈပိူင်ႈၵၼ်တင်းပွႆးႁူင်းၾႆးမိၼ် တီႈဝဵင်းတူၼ်ႈတီးသေ တေငၢႆးၵၼ်တင်းႁူင်း ၾႆးမိၼ် ဢၼ်လႆႈႁၼ်တီႈ ဝဵင်းပူးၵမ်ႇ(ပုဂံ) မီးၵူၼ်းၶီႇၸွမ်းလႆႈ – သိုဝ်ႇၶၢဝ်ႇ DVB ဢွၵ်ႇဝႆႉၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ