UNODC ဢွၵ်ႇၽိုၼ်လိၵ်ႈႁၢႆးငၢၼ်းဝႃႈ ပီ 2023 ၼႆႉ ၼႂ်းၵႄႈၶတ်းၸႂ်ၽဵဝ်ႈမူၺ်ႉ ၸုမ်းလွၵ်ႇလႅၼ်ၵိၼ်ငိုၼ်း တၢင်း ဢွၼ်ႊလၢႆႊ ၸိူဝ်းပၵ်းသဝ်း ၼႂ်းၸိုင်ႈမိူင်းၵုၼ်ၶဵဝ်ဢေႊသျႃႊၼႆႉ ၵူၼ်းမိူင်းၸိူဝ်းၺႃးလႅၼ်သေ လူႉသုမ်း ငိုၼ်းတင်းမူတ်းမီး 37 ပီႊလီႊယႅၼ်ႊ(Billions) ဢမေႊရိၵၼ်ႊတေႃႊလႃႊ – ဝႃႈၼႆ။

ၼႂ်းၽိုၼ်ႁၢႆးငၢၼ်းၼၼ်ႉ ပႃးဝႆႉဝႃႈ ၸုမ်းလွၵ်ႇလႅၼ်ၵိၼ်ငိုၼ်း တၢင်းဢွၼ်ႊလၢႆႊ ၸိူဝ်းၼႆႉ ဢဵၼ်ႁႅင်းယႂ်ႇၶိုၼ်ႈမႃးၵူႈမိုဝ်ႉၵူႈဝၼ်း၊ ပၵ်းသဝ်းဝႆႉတီႈၼႂ်းမိူင်းမၢၼ်ႈ၊ မိူင်းၵမ်ႇပူးၶျႃး (Cambodia)၊ မိူင်းလၢဝ်း (Laos) ၸိူဝ်းၼႆႉသေ တူင်ႉၼိုင်ႁဵတ်းၵၢၼ်ဝႆႉ။

ၸုမ်းလွၵ်ႇလႅၼ်ၵိၼ်ငိုၼ်းၸိူဝ်းၼႆႉ မၢင်ၸိူဝ်း ပွမ်တူဝ်ႁဵတ်း မိူၼ်ၼင်ႇ – ပဵၼ်ၵေႃႉႁၵ်ႉၵၼ်သေ လွၵ်ႇလႅၼ်၊ မၢင်ၸိူဝ်း လႅၼ်သေသိုဝ်ႉၶၢႆငိုၼ်း Crypto Digital ၊ မၢင်ၸိူဝ်း လႅၼ်ဢဝ်ငိုၼ်း လူၺ်ႈၵၢၼ်တေႃႇလွင်း ၸိူဝ်းၼႆႉ။

ယွၼ်ႉၵၢၼ်ငၢၼ်း လွၵ်ႇလႅၼ်ၵိၼ်ငိုၼ်းၼႆႉသေ ၵူၼ်းၼပ်ႉႁူဝ်ႁဵင် ၺႃးလွၵ်ႇလႅၼ်ၶၢႆတူဝ်လႄႈ တဵၵ်းႁႂ်ႈၵႂႃႇႁဵတ်းၵၢၼ် ၸွမ်းႁူင်းၵၢၼ်တေႃႇလွင်း (Casino)၊ ႁူင်းႁႅမ်း၊ ၼႂ်းၼႃႈလိၼ် ဢၼ်မီးၵၢၼ်ပၢႆးမၢၵ်ႈမီးၶိုၵ်ႉတွၼ်း ၸိူဝ်းၼႆႉ။

ၸွမ်းလႅၼ်လိၼ် ၸိူဝ်းၼႆႉၵေႃႈ ပဵၼ်မႃးပိုၼ်ႉတီႈ ဢၼ်ၸုမ်းဢမ်ႇၶဝ်ႈတၢင်းၵၢၼ်ၶဝ် ယူႇသဝ်း ႁဵတ်းၵၢၼ်သေ တႃႇ ၸုမ်းလူင်ပွင်ၸိုင်ႈၶဝ် တေတိုၵ်းတေႃးၽဵဝ်ႈမူၺ်ႉလႆႈၼၼ်ႉၵေႃႈ မီးလွင်ႈယၢပ်ႇၽိုတ်ႇဝႆႉယူႇ – UNODC ႁၢႆးငၢၼ်းဝႆႉ ၼင်ႇၼႆ။

ဢၢင်ႈဢိင် – VOA