ဝၼ်းတီႈ 13/08/2024 ယၢမ်းၵၢင်ၶမ်ႈၼႆႉ ၵႃးတၢင်ႇႁႅင်းၵၢၼ် ၶဝ်ႈမိူင်းထႆးဢမ်ႇၸႂ်ႈတၢင်းၵၢၼ် လမ်းၼိုင်ႈ ပိၼ်ၶွမ်ႈ ၽွင်းဝႄႈလၢၼ်ႇၵူတ်ႇထတ်း ၼႂ်းၸႄႈတွၼ်ႈ ပရႃႊၸုပ်ႊၶီႊရီႊၶၼ်ႊ မိူင်းထႆး မၢတ်ႇၸဵပ်း 7 ၵေႃႉ ဝႃႈၼႆ။
ၼႂ်းဝၼ်းၼၼ်ႉ ယၢမ်းၵၢင်ၶမ်ႈ ၽွင်းၸဝ်ႈၼႃႈတီႈထႆး ပႂ်ႉၵူတ်ႇထတ်း ၼႂ်းၸႄႈတွၼ်ႈပရႃႊၸုပ်ႊၶီႊရီႊၶၼ်ႊၼၼ်ႉ ရူတ်ႉၵႃးသီမူၼ်ႇ လမ်းၼိုင်ႈ ဢမ်ႇၶၢမ်ႇၵိုတ်းသေ ႁေႃႈပၢႆႈ၊ ၵႂႃႇပဵၼ်ၽေးၵိုင်ႉၵၢင်ႉပိၼ်ႈၶွမ်ႈတီႈတၢင်းငွၵ်း ၼႂ်းဝၢၼ်ႈသေ မီးၵူၼ်းမၢတ်ႇၸဵပ်း 7 ၵေႃႉ၊ ပဵၼ်ႁႅင်းၵၢၼ်မိူင်းမၢၼ်ႈ ၸိူဝ်းဢမ်ႇမီးဝတ်းဝႂ်သင် 6 ၵေႃႉလႄႈ ၵူၼ်းႁေႃႈၵႃး ၸၢဝ်းထႆး ၵေႃႉၼိုင်ႈ ဝႃႈၼႆ။
ၼိူဝ်ၵႃးၼၼ်ႉ ပႃးၵႂႃႇ ႁႅင်းၵၢၼ်ၵူၼ်းမိူင်းမၢၼ်ႈ ဢမ်ႇမီးဝတ်းဝႂ်သင် 9 ၵေႃႉ ၼႂ်းၼၼ်ႉ 3 ၵေႃႉတႄႉ ဢမ်ႇတၼ်း ပဵၼ်သင် ႁႅင်းၵၢၼ်ၸိူဝ်းၼၼ်ႉ လုၵ်ႉတီႈ ၶျုၼ်ႊပူႊရီႊ ဢၢၼ်းတေၵႂႃႇႁဵတ်းၵၢၼ် တၢင်းၽူးၵဵတ်ႇသေ ဢဝ်ပဵၼ်ၽေးၵိုင်ႉ ၵၢင်ႉၵႂႃႇ ၺႃးၸဝ်ႈၼႃႈတီႈ တီႉၺွပ်းဝႆႉ – သိုဝ်ႇၶၢဝ်ႇ DVB ဢွၵ်ႇဝႆႉၼင်ႇၼႆ။
