မိူဝ်ႈၼႆႉ ဝၼ်းတီႈ 12/08/2024 ယၢမ်းဝၢႆးဝၼ်း ၶၼ်ငိုၼ်းမၢၼ်ႈ သိုပ်ႇလူင်းထႅင်ႈ ငိုၼ်းၶႄႇ 100 ယႂၼ်ႊ လႆႈငိုၼ်းမၢၼ်ႈ 82,500 ပျႃးယဝ်ႉ တီႈဝဵင်းမူႇၸေႊ ၸိုင်ႈတႆးပွတ်းႁွင်ႇ လႅၼ်လိၼ်တႆး – ၶႄႇ။
ၵူၼ်းပိုၼ်ႉတီႈ ဝဵင်းမူႇၸေႊ လၢတ်ႈတီႈၽူႈတွႆႇႁွၵ်ႈဝႃႈ – “ဢမ်ႇၵႃး ၶၼ်ငိုၼ်းၶႄႇ ၶိုၼ်ႈၵူၺ်း ၶၼ်ၶမ်းၵေႃႈ ၶိုၼ်ႈ ဢေႃႈ ယၢမ်းလဵဝ် ၶမ်း 1 ၵျၢပ်ႈ 75 – 76 သႅၼ်ပျႃးယဝ်ႉ။ မၢင်တီႈ 78 သႅၼ်ပျႃးၶႃႈဢေႃႈ။ ၶၼ်ၶမ်းတႄႉ ဢမ်ႇမီးပိူင်တၢႆယဝ်ႉ ဢဝ်ၽႂ်မၼ်းၶႂ်ႈသိုဝ်ႉၶၢႆၵၼ်ၵူၺ်းၶႃႈ ယွၼ်ႉၶၼ်ၶမ်းၶိုၼ်ႈႁႅင်းလႄႈ ပေႃးသိုဝ်ႉလႆႈၵေႃႈ ၸင်ႇၸၢင်ႈၶၢႆၼၼ်ႉယဝ်ႉ ၽႂ်ၵေႃႈ ဢမ်ႇၶႂ်ႈဝႆႉငိုၼ်းမၢၼ်ႈၶႃႈ”- ဝႃႈၼႆ။
လိူဝ်ၼၼ်ႉ မိူၼ်ၼင်ႇ ငိုၼ်းတေႃႊလႃႊၵေႃႈ မိူၼ်ၵၼ် မိူဝ်ႈၼႆႉ ဝၼ်းတီႈ 12 ငိုၼ်းတေႃႊလႃႊ 1 တေႃႊ လႃႊ 6,400 ပျႃးယဝ်ႉ။ ငိုၼ်းထႆးၵေႃႈ မိူၼ်ၵၼ် 655 ဝၢတ်ႇ လႆႈငိုၼ်းမၢၼ်ႈ 100,000 ပျႃး။ သင်ဢဝ် ငိုၼ်း မၢၼ်ႈလႅၵ်ႈထႆးသမ်ႉ ငိုၼ်းမၢၼ်ႈ 100,000 ပျႃး လႆႈငိုၼ်းထႆး 575 ဝၢတ်ႇ ၼႆယဝ်ႉ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ