မိူဝ်ႈၼႆႉ ဝၼ်းတီႈ 09/08/2024 ယၢမ်းၵၢင်ၼႂ် ၶၼ်ငိုၼ်းၶႄႇ သိုပ်ႇၶိုၼ်ႈထႅင်ႈ ငိုၼ်းၶႄႇ 100 ယႂၼ်ႊ လႆႈ ငိုၼ်းမၢၼ်ႈ 78,000 ပျႃးယဝ်ႉ တီႈဝဵင်းမူႇၸေႊ ၸိုင်ႈတႆးပွတ်းႁွင်ႇ လႅၼ်လိၼ်တႆး – ၶႄႇ ၼႆယဝ်ႉ။
ၵူၼ်းပိုၼ်ႉတီႈ ဝဵင်းမူႇၸေႊ လၢတ်ႈတီႈၽူႈတွႆႇႁွၵ်ႈဝႃႈ – “မိူဝ်ႈယၢမ်းၸဝ်ႉၼႆႉ ငိုၼ်းၶႄႇ 100 ယႂၼ်ႊ လႆႈ 77,000 ပျႃး။ ထိုင်မႃး ၵၢင်ဝၼ်းၼႆႉ ၶိုၼ်ႈပဵၼ် 78,000 ပျႃးယဝ်ႉ။ မၢင်တီႈၼႆႉ ၽႅဝ် 79,000 ပျႃး ၼႆၵေႃႈ။ ပႂ်ႉတူၺ်းယၢမ်းဝၢႆးဝၼ်းထႅင်ႈ ဝႃႈတေမီးလွင်ႈလႅၵ်ႈလၢႆႈ မႃးၸိူင်ႉႁိုဝ်ထႅင်ႈ”- ဝႃႈၼႆ။
လိူဝ်ၼၼ်ႉ မိူၼ်ၼင်ႇ ငိုၼ်းထႆးၵေႃႈ ၶိုၼ်ႈမိူၼ်ၵၼ် မိူဝ်ႈၼႆႉ ယၢမ်းၵၢင်ၼႂ် ၶၼ်ငိုၼ်းထႆး 690 ဝၢတ်ႇ လႆႈငိုၼ်းမၢၼ်ႈ 100,000 ပျႃးယဝ်ႉ။ ငိုၼ်းမၢၼ်ႈ 100,000 ပျႃး လႆႈငိုၼ်းထႆး 615 ဝၢတ်ႇ ၼႆယဝ်ႉ။
