ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇ ပိုၼ်ၽၢဝ်ႇ မိူဝ်ႈလိူၼ်ပူၼ်ႉမႃးဝႃႈ တေၸတ်းပၢင်လိူၵ်ႈ တင်ႈၼႂ်းပီ 2025 ၼႆႉ ၾၢႆႇၶွမ်ႊမသျိၼ်ႊ ၵၢၼ်လိူၵ်ႈတင်ႈ မိူင်းႁူမ်ႈတုမ် တူင်ႉၼိုင်ၸတ်းၵၢၼ် လွင်ႈပႃႇတီႇၵၢၼ်မိူင်း ၸိူဝ်းမႃး တၢင်ႇမၢႆၾၢင်ဝႆႉၸိူဝ်းၼၼ်ႉ ဝႃႈၼႆ။
ၼႂ်းဝၼ်းတီႈ 06/08/2024 ၼႆႉ ယူႇတီႈ ၶွမ်ႊမသျိၼ်ႊ ၵၢၼ်လိူၵ်ႈတင်ႈ မိူင်းႁူမ်ႈတုမ် ပိုၼ်ၽၢဝ်ႇဝႃႈ ပၢၵ်ႈပႅတ်ႈၽိုၼ်လိၵ်ႈ ပႃႇတီႇၵၢၼ်မိူင်း 2 ဢၼ် ဢၼ်တၢင်ႇယိုၼ်ႈယွၼ်းဝႆႉ တႃႇမၢႆၾၢင်ၼၼ်ႉ ဝႃႈၼႆ။
ပႃႇတီႇ 2 ဢၼ်ၼၼ်ႉ ပဵၼ်ပႃႇတီႇ NSP (လူ့ဘောင်သစ်ပါတီ) လႄႈ ပႃႇတီႇငဝ်ႈငုၼ်းတီႊမူဝ်ႊၶရေႊသီႊၸူဝ်ႊမီႊ။ ယွၼ်ႉပိူဝ်ႈ ဢမ်ႇငၢမ်ႇမႅၼ်ႈၵၼ် တင်းပၵ်းပိူင် တၢင်ႇယွၼ်းမၢႆၾၢင် မတ်ႉတႃ မၢႆ 6 (တႃႇႁႄႉၵင်ႈ ပိူင်ငဝ်ႈပိုင်းမိူင်း 2008 – တႃႇႁႄႉၵင်ႈမိူင်းႁူမ်ႈတုမ် လူႉၵွႆၵူၼ်ႇပင်း – တေဢမ်ႇလႆႈဢုပ်ႇလၢတ်ႈႁူၺ်းသူၼ်း ဢၼ်တေႁဵတ်းႁႂ်ႈပဵၼ်ပၼ်ႁႃၸၢဝ်းၶိူဝ်း ၸဵမ်ၸိူဝ်းၼႆႉ) ၼႄၼႃႈတိူဝ်ႈသေ ပၼ်ၶေႃႈဢၢင်ႈဝႆႉ ၼင်ႇၼႆ။
ပႃႇတီႇၵၢၼ်မိူင်း ၸိူဝ်းဢၼ်မႃးတၢင်ႇယွၼ်းမၢႆၾၢင်ဝႆႉသေ ၺႃးၶွမ်ႊမသျိၼ်ႊ ၵၢၼ်လိူၵ်ႈတင်ႈ ပၢၵ်ႈပႅတ်ႈဝႆႉၼႆႉ မီး 9 ဢၼ်ယဝ်ႉ – သိုဝ်ႇၶၢဝ်ႇ RFA ဢွၵ်ႇဝႆႉၼင်ႇၼႆ။
