ၽွင်းဢွၼ်ႇယိင်း ဢႃယု 18 ပီ တိုၵ်ႉလဵၼ်ႈၾူၼ်းယူႇၼၼ်ႉ ၺႃးၾႃႉၽႃႇသႂ်ႇသေ လႆႈလူႉတၢႆထင်တီႈ ဝႃႈၼႆ။
ဝၼ်းတီႈ 05/08/2024 ၼၢင်းသႅၼ်ၼွင်း (နန်းရှန်နောင်း) ဢႃယု 18 ပီ ၵူၼ်းဝဵင်းသီႇသႅင်ႇ ၸိုင်ႈတႆးပွတ်းၸၢၼ်း ၺႃးၾႃႉၽႃႇသႂ်ႇ လူႉတၢႆထင်တီႈ မိူဝ်ႈၽွင်းတိုၵ်ႉလဵၼ်ႈၾူၼ်း။
ၵူၼ်းပိုၼ်ႉတီႈ ဝဵင်းသီႇသႅင်ႇ လၢတ်ႈတီႈၽူႈတွႆႇႁွၵ်ႈဝႃႈ – “ၸႂ်ႈယဝ်ႉၶႃႈ မၼ်းၼၢင်းလဵၼ်ႈၾူၼ်းသေ ၺႃးၾႃႉၽႃႇသႂ်ႇ လူႉတၢႆထင်တီႈ။ မၼ်းၼၢင်း တိုၵ်ႉလဵၵ်ႉယူႇ ၸႂ်ဢမ်ႇလီၸွမ်းတႄႉၶႃႈ လႆႈပဵၼ်ၵႂႃႇၸိူင်ႉၼႆ။ မိူဝ်ႈၽွင်းၾူၼ်တူၵ်း ၾႃႉမႅပ်ႈ ယူႇၼႆႉ ဢမ်ႇထုၵ်ႇလီလဵၼ်ႈၾူၼ်းၶႃႈ”- ဝႃႈၼႆ။
ၸွမ်းၼင်ႇ ၾိင်ႈႁိၵ်ႈႁွႆး ၸၢဝ်းပဢူဝ်း ၼႂ်းပိုၼ်ႉတီႈမီးၼၼ်ႉသေ ဝၼ်းတီႈ 6 ၼႆႉ ယူႇတီႈ ၵူၼ်းမုင်ႉႁေႃ ႁိူၼ်းလႄႈ ပီႈၼွင်ႉမၼ်းၼၢင်း ၸင်ႇလႆႈပူၼ်ႉၶၢပ်ႈတူဝ်ၵႂႃႇ ၼႆယဝ်ႉ။
မိူၼ်ၼႆ မိူဝ်ႈဝၼ်းတီႈ 2 လိူၼ်မေႊ ပူၼ်ႉမႃးၼၼ်ႉ ၾႃႉၽႃႇ သွင်မႄႈလုၵ်ႈ တီႈဝဵင်းႁၢႆးႁူဝ်း ၼႂ်းၸိုင်ႈတႆးပွတ်းၸၢၼ်း ၵေႃႉပဵၼ်မႄႈတၢႆထင်တီႈ လုၵ်ႈၸၢႆးမၢတ်ႇၸဵပ်းႁႅင်း ဝႃႈၼႆ။
 ဢႃယု 18 ပီ ၵူၼ်းဝဵင်းသီႇသႅင်ႇ ၸိုင်ႈတႆးပွတ်းၸၢၼ်း ၺႃးၾႃႉၽႃႇသႂ်ႇ လူႉတၢႆထင်တီႈ မိူဝ်ႈၽွင်းတိုၵ်ႉလဵၼ်ႈၾူၼ်း။){kind=link}