ပတိၵ်ႈၶၢတ်ႈ ဢၼ်ပဵၼ်ယူႇ ၼႂ်းမိူင်းမၢၼ်ႈတင်း မိူင်းတႆးၼႆႉ ႁႂ်ႈဢဝ်လၢႆးႁူပ်ႉထူပ်းဢုပ်ႇဢူဝ်းၵၼ်သေ ၵႄႈလိတ်ႈၵႂႃႇ ၼႆ သိုၵ်းဝႃႉ UWSA ပိုၼ်ၽၢဝ်ႇတိုၵ်းသူၼ်းဢွၵ်ႇမႃး ၼႂ်းဝၼ်းတီႈ 30 လိူၼ်ၵျူႊလၢႆႊၼႆႉ ၼင်ႇၼႆ။
တႃႇပူၵ်းပွင်ၵၢၼ်မိူင်း ဢၼ်လူႉလႅဝ်ၵႂႃႇယွၼ်ႉပၢင်တိုၵ်း တႃႇၵူၼ်းမိူင်း ၸိူဝ်းပၢႆႈၽေးသိုၵ်း တေပွၵ်ႈၶိုၼ်းႁိူၼ်းယေးသေ မီးလွင်ႈႁူမ်ႇလူမ်ႈၼၼ်ႉ ထုၵ်ႇလီဢဝ်လၢႆးငမ်းယဵၼ် ဢုပ်ႇဢူဝ်းၵႄႈလိတ်ႈၵႂႃႇ ဝႃႈၼႆ။
ယၢမ်းလဵဝ် ၼႂ်းမိူင်းမၢၼ်ႈ ပတ်းပိုၼ်ႉၼႆႉ ယွၼ်ႉပၢင်တိုၵ်းသေ တုမ်ႉတိူဝ်ႉ ၵၢၼ်မၢၵ်ႈမီး ၵၢၼ်ႁဵတ်းဢွၵ်ႇၵုၼ်ႇ ၵၢၼ်တေႃႉသူင်ႇၵႃႉၶၢႆလႄႈ ၼႃႈၵၢၼ်လၢႆလၢႆဢၼ်ၵေႃႈလႆႈၵိုတ်းယင်ႉဝႆႉ ႁဵတ်းႁႂ်ႈၵူၼ်းမိူင်းဢမ်ႇမီး တၢင်းမုင်ႈမွင်း။
ၽွင်းငဝ်းလၢႆးၼင်ႇၼင်ႇ ယူႇတီႈ သိုၵ်းဝႃႉ UWSA တေဢမ်ႇပႃးၾၢႆႇလႂ် ၊ ပဵၼ်ငဝ်းလၢႆးၸိူင်ႉႁိုဝ်ၵေႃႈယဝ်ႉ တေသိုပ်ႇပႆ ၵႂႃႇၸွမ်းၼင်ႇ မူႇဝႃႇတမီးဝႆႉ။ လိူဝ်ၼၼ်ႉ တႃႇမိူင်းမၢၼ်ႈ တေလႆႈလွင်ႈငမ်းယဵၼ်ၼၼ်ႉ ယူႇတီႈ သိုၵ်းဝႃႉၵေႃႈ တေၶတ်းၸႂ်ၸွႆႈၵၢၼ်ၵႂႃႇယူႇ ဝႃႈၼႆဝႆႉ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ