မိူဝ်ႈၼႆႉ ဝၼ်းတီႈ 31/07/2024 ယၢမ်းၵၢင်ၼႂ် ၶၼ်ငိုၼ်းၶႄႇ သိုပ်ႇၶိုၼ်ႈထႅင်ႈ 100 ယႂၼ်ႊ လႆႈငိုၼ်းမၢၼ်ႈ 68,400 ပျႃးယဝ်ႉ တီႈဝဵင်းမူႇၸေႊ ၸိုင်ႈတႆးပွတ်းႁွင်ႇ လႅၼ်လိၼ်တႆး – ၶႄႇ။
ၵူၼ်းပိုၼ်ႉတီႈ ဝဵင်းမူႇၸေႊ လၢတ်ႈတီႈၽူႈတွႆႇႁွၵ်ႈဝႃႈ – “ဢၼ်ၼႆႉ ပဵၼ်ၶၼ်ငိုၼ်း မိူဝ်ႈၼႆႉ ၵၢင်ၼႂ်ဢေႃႈ။ ငိုၼ်းၶႄႇ ၶိုၼ်ႈၵႂႃႇ 68,400 ပျႃးယဝ်ႉ။ ၶၼ်ၶမ်းသမ်ႉ မိူဝ်ႈဝႃး 1 ၵျၢပ်ႈလႂ် 6,050,000 ပျႃးၼႆၶႃႈဢေႃႈ။ မိူဝ်ႈၼႆႉ တီႈတႃႈၵုင်းတႄႉ ၶၼ်ၶမ်း 1 ၵျၢပ်ႈလႂ် 6,820,000 ပျႃးယဝ်ႉၶႃႈ”- ဝႃႈၼႆ။
ၶၼ်ငိုၼ်းထႆး မိူဝ်ႈၼႆႉ ဝၼ်းတီႈ 31 ယၢမ်းၵၢင်ၼႂ် ငိုၼ်းထႆး 725 ဝၢတ်ႇ လႆႈငိုၼ်းမၢၼ်ႈ 100,000 ပျႃး။ ငိုၼ်းမၢၼ်ႈ 100,000 ပျႃး လႆႈငိုၼ်းထႆး 690 ဝၢတ်ႇ။ ယၢမ်းဝၢႆးဝၼ်းသမ်ႉ ငိုၼ်းထႆး 710 ဝၢတ်ႇ လႆႈငိုၼ်းမၢၼ်ႈ 100,000 ပျႃး။ လိူဝ်ၼၼ်ႉ ၶၼ်ငိုၼ်းတေႃႊလႃႊၵေႃႈ မိူၼ်ၵၼ် 1 တေႃႊလႃႊလႂ် 5,400 ပျႃးယဝ်ႉ ဝႃႈၼႆ။
