သိုၵ်းမၢၼ်ႈ ပိုၼ်ၽၢဝ်ႇဝႃႈ တေဢိတ်ႇဢွၵ်ႇငိုၼ်းၸေႈထႅင်ႈသေ တေထႅမ်ဝႆႉပၼ် ၼႂ်းယေးငိုၼ်း တီႈဢၼ်လုတ်ႈႁၢမ်းဝႆႉၼၼ်ႉ ၼႆလႄႈ ၵူၼ်းမိူင်းႁူမ်ႈတုမ် မႆႈၸႂ်ၵူႈလွင်ႈလွင်ႈ – ဢမ်ႇႁတ်းဝႆႉငိုၼ်းၸေႈ – ၼႅတ်ႈဢွၼ်ၵၼ် သိုဝ်ႉငိုၼ်းတေႃႊလႃႊလႄႈ ၶမ်းဝႆႉ၊ ႁဵတ်းႁႂ်ႈၶၼ်ငိုၼ်း – ၶၼ်ၶမ်း တူင်ႉၼိုင်။
ၽွင်းလိူၼ်ၵျုၼ်ႊ ပူၼ်ႉမႃး ၶၼ်ငိုၼ်း 1 တေႃႊလႃႊ မီးတီႈ 4,500 ပျႃးသေ ဝၼ်းတီႈ 25/07/2024 ၼႆႉ 1 တေႃႊလႃႊ ပုင်ႈၶိုၼ်ႈသုင်ထိုင် 5,060 ပျႃး။ ၶၼ်ၶမ်း 1 ၵျၢပ်ႈမီး ထိုင် 60 ပျႃး။
ဢၼ်ၶၼ်ငိုၼ်းလႄႈ ၶမ်း ၵိုင်ႉၵၢင်ႉပုင်ႈၶိုၼ်ႈ ၼႂ်းၶၢဝ်းတၢင်း 2-3 ဝၼ်းၼႆႉ ၾၢႆႇၼိုင်ႈၵေႃႈ ပဵၼ်ယွၼ်ႉ သိုၵ်းမၢၼ်ႈ ႁၢမ်ႈႁႅတ်ႉတတ်းမၵ်း လွင်ႈထုၵ်ႈထွၼ်ငိုၼ်း ၼႂ်းယေးငိုၼ်းသေဢမ်ႇၵႃး – သိုၵ်းမၢၼ်ႈ ပိုၼ်ၽၢဝ်ႇဢဝ်လိူင်ႈယေးငိုၼ်းယႂ်ႇ 7 ဢၼ်ဝႆႉလႄႈ ႁဵတ်းႁႂ်ႈၵူၼ်းမိူင်း ဢမ်ႇၸၢင်ႈႁတ်းယုမ်ႇယမ် ၼိူဝ်ယေး ငိုၼ်းသေဢိတ်းယဝ်ႉ – သိုၵ်ႇၶၢဝ်ႇ DVB ဢွၵ်ႇဝႆႉၼင်ႇၼႆ။
