ဝၼ်းတီႈ 24 လိူၼ်ၵျူႊလၢႆႊ ၶိူင်ႈမိၼ် သၢႆၵၢၼ်မိၼ် သွင်ႊယႃႊ မိူင်းဢိၼ်ႊတီႊယႃး ၵြႃး တူၵ်းသဵၼ်ႈ တၢင်းၶိူင်ႈမိၼ် ၽွင်းတိုၵ်ႉလႅၼ်ႈဢဝ်ႁႅင်း တႃႇမိၼ်ၶိုၼ်ႈၵၢင်ႁၢဝ် တီႈဝဵင်းလူင်ၶတ်ႉတမၼ်ႊတူႊ ၸိုင်ႈ မိူင်းၼီႊပေႃႊ။
ၶိူင်ႈမိၼ်ၼႆႉ လုၵ်ႉတီႈဝဵင်းပုမ်ႊပႃႊတီႊယႃႊသေ ဢၢၼ်းမိၼ်ၵႂႃႇ ဝဵင်းပူဝ်ႊၶႃႊရႃႊ တႃႇၵႂႃႇၵူတ်ႇထတ်း တူၺ်းၶိူင်ႈ ၸၢၵ်ႈၶိူင်ႈမိၼ် တႃႇမႄးၶိူင်ႈၸၢၵ်ႈ။
ၼႂ်းၶိူင်ႈမိၼ်ၼၼ်ႉ ပႃးၵႂႃႇၵူၼ်း 19 ၵေႃႉ။ ၼႂ်းၼၼ်ႉ တၢႆ 18 ၵေႃႉ မီးၵူၼ်းႁေႃႈၶိူင်ႈမိၼ် ၵေႃႉလဵဝ် ဢၼ်လွတ်ႈတၢႆ။ ၶိူင်ႈမိၼ်ၵေႃႈ ထုၵ်ႇၾႆးမႆႈ တင်းလမ်း။
ယွၼ်ႉသင်လႄႈ ၶိူင်ႈမိၼ်ပလၢတ်ႈတူၵ်းတၢင်း ယွၼ်ႉသင်လႄႈ လႆႈပဵၼ်ၵႂႃႇၸိူင်ႉၼႆၼႆတႄႉ တိုၵ်ႉၵူတ်ႇထတ်းတူၺ်းယူႇ။ ၽွင်းၶိူင်ႈမိၼ်ပလၢတ်ႈၼၼ်ႉ ၾူၼ်ၵေႃႈဢမ်ႇတူၵ်း – သိုဝ်ႇၶၢဝ်ႇ DVB ဢွၵ်ႇဝႆႉၼင်ႇၼႆ။
