ရူတ်ႉၵႃး ႁူမ်ႇလူမ်ႈသိုၵ်းမၢၼ်ႈ တီႈဝဵင်းၼေႇပျီႇတေႃႇ ၸႄႈဝဵင်းတပ်ႉၵူင်း လမ်းၼိုင်ႈ ၺႃးမၢၵ်ႇယိုဝ်းသႂ်ႇလႄႈ သိုၵ်းမၢၼ်ႈ တၢႆ 2 ၵေႃႉ ပဵၼ်ၸၼ်ႉႁူဝ်သိုၵ်းလူင် ၵေႃႉၼိုင်ႈလႄႈ သိုၵ်းႁၢၼ်ၵေႃႉၼိုင်ႈ မၢတ်ႇၸဵပ်း 4 ၵေႃႉ ၼႂ်းၼၼ်ႉ ႁၢဝ်ႈႁႅင်း ၵေႃႉၼိုင်ႈ ။
ဝၼ်းတီႈ 21/07/2024 ယၢမ်းဝၢႆးဝၼ်း 5 မူင်း ၵႃးသိုၵ်းမၢၼ်ႈ ယိုတ်းမိူင်း လမ်းၼိုင်ႈ ၺႃးမၢၵ်ႇတီႈ မၢႆလၵ်း 232/2 ၼိူဝ်သဵၼ်ႈတၢင်း တႃႈၵုင်ႈ – ဝဵင်းလိူဝ်ႇ ဝႃႈၼႆ။
ၵူၼ်းပိုၼ်ႉတီႈတႄႉ လၢတ်ႈဝႃႈ သိုၵ်း PDF ႁူႉၶၢဝ်ႇဝႆႉလူင်ႈၼႃႈသေ ပႂ်ႉယိုဝ်း – ၵူၺ်းၵႃႈ ဝၢႆးလင် ၺႃးယိုဝ်းယဝ်ႉ ပလိၵ်ႈလႄႈ သိုၵ်းၸွမ်းႁႃသိုၵ်း PDF ႁိမ်းႁွမ်းၼၼ်ႉၵေႃႈ ဢမ်ႇႁၼ် – ဝႃႈၼႆ။
ၵူၺ်းၵႃႈ ယူႇၾၢႆႇ PDF တႄႉ ပႆႇႁၼ်ပိုၼ်ၽၢဝ်ႇပဵၼ်တၢင်းၵၢၼ်မႃးဝႃႈႁိုဝ်၊ လႆႈငိၼ်းဝႃႈ သိုၵ်းမၢၼ်ႈ ၼႂ်းတပ်ႉတိူင်း ၼေႇပျီႇတေႃႇ ၸိူဝ်းၼႆႉတႄႉ ၺႃးၵူတ်ႇထတ်းထဵတ်ႈထၢမ်ဝႆႉယူႇ ဝႃႈၼႆ။
လွင်ႈၼႆႉ ၾၢႆႇတၢင်းသိုၵ်းမၢၼ်ႈတႄႉ ပႆႇပိုၼ်ၽၢဝ်ႇသင် – သိုဝ်ႇၶၢဝ်ႇ DVB တႅမ်ႈဢွၵ်ႇဝႆႉၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ