သိုၵ်းမၢၼ်ႈ ၸီႉသင်ႇႁႂ်ႈၶႃႈႁၢပ်ႇၵၢၼ်ၶုၼ်ၵူႈႁွင်ႈၵၢၼ် သူင်ႇၵူၼ်းပၼ်ႁွင်ႈၵၢၼ်လႂ် 2 ၵေႃႉ ထိုင် 3 ၵေႃႉ တႃႇၾိုၵ်း ၵၢၼ်သိုၵ်း။
ယၢမ်းလဵဝ် တႄႇတီႈဝဵင်းလိူဝ်ႇ၊ သိုၵ်းမၢၼ်ႈ သင်ႇႁႂ်ႈသူင်ႇပၼ် ၶႃႈႁၢပ်ႇၵၢၼ်ၶုၼ် ဢၼ်ပဵၼ်ၽူႈၸၢႆး ဢႃယု 40 ပီလူင်းတႂ်ႈ ႁွင်ႈၵၢၼ်လႂ် 2 ၵေႃႉ တေၾိုၵ်းပၼ်ၵၢၼ်သိုၵ်း ၽႂ်ပႆႇတူဝ်ႈတၼ်း တႃႇၾိုၵ်းၵၢၼ်သိုၵ်း တေ ၸႂ်ႉၸူၵ်းၶႅပ်းမႄးဢဝ် ၼႆလႄႈ ႁဵတ်းႁႂ်ႈတူင်ႇဝူင်းၶႃႈႁၢပ်ႇၵၢၼ်ၶုၼ် တူင်ႉတိုၼ်ႇ ႁႃတၢင်းၵႄႈလိတ်ႈ။
ယွၼ်ႉပိူဝ်ႈ ဢမ်ႇၶႂ်ႈႁၢပ်ႇၵၢၼ်သိုၵ်းလႄႈ ၵမ်ႈၽွင်ႈ ၶိုင်တႃႇပၢႆႈယူႇယဝ်ႉၼႆ တူင်ႇဝူင်းၶႃႈႁၢပ်ႇၵၢၼ်ၶုၼ် တီႈဝဵင်းလိူဝ်ႇ ၵေႃႉၼိုင်ႈလၢတ်ႈၼင်ႇၼႆ။
ၵူၼ်းပၵ်းတႃၵၢၼ်မိူင်းၶဝ် ထတ်းသၢင်လၢတ်ႈဝႃႈ ၼႂ်းဝူင်ႈပူၼ်ႉမႃးၼႆႉ ၸုမ်း PDF ပိုၼ်ၽၢဝ်ႇ ဝႃႈမီးၽႅၼ်ယၼ်ႇသိုၵ်း ဝဵင်းလိူဝ်ႇ – မိူင်းတႆးပွတ်းႁွင်ႇ ၼႆသေဢမ်ႇၵႃး ပၢင်တိုၵ်းမိူင်းတႆးပွတ်းႁွင်ႇၵေႃႈ သိုၵ်း မၢၼ်ႈ တူၵ်းသုမ်းတၢႆၼမ် ၵွပ်ႈ ၼႆႁၢင်ႈႁႅၼ်းဝႆႉထႃႈၵေႃႈပႃး ဝႃႈၼႆ။
သိုၵ်းမၢၼ်ႈ ၵိုင်ႈၵၢင်ႉ ပိုၼ်ၽၢဝ်ႇၵဵပ်းသဵၼ်ႈၸိုဝ်ႈ ၵမ်းလဵဝ်လႄႈ မၢင်ႁွင်ႈၵၢၼ်သမ်ႉ ပေႃးလႆႈသူင်ႇၵူၼ်း ၵႂႃႇၾိုၵ်းၵၢၼ်သိုၵ်းယူႇယဝ်ႉ ဝႃႈၼႆ။ ပၢင်ယၼ်ႇသိုၵ်း 1027 တွၼ်ႈ 2 ၼႆႉ ၸုမ်းၵႅတ်ႇၶႄၵူၼ်းမိူင်း ဝဵင်းလိူဝ်ႇ ပိုၼ်ၽၢဝ်ႇဝႃႈ တေႃႇထိုင်ဝၼ်းတီႈ 3 လိူၼ်ၵျူႊလၢႆႊၼႆႉ ယိုတ်းလႆႈ တပ်ႉပၢင်သဝ်း သိုၵ်းမၢၼ်ႈ ၼႂ်းၸႄႈဝဵင်းမတ်ႉတယႃႇ 25 ဢၼ်လႄႈ ၼႂ်း ၸႄႈဝဵင်းၸိၼ်ႉၵူး 11 ဢၼ်ယဝ်ႉ – သိုဝ်ႇၶၢဝ်ႇ DVB ဢွၵ်ႇဝႆႉၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ