မိူင်ၶမ်းၵူၼ်ႇ တီႈၸိုင်ႈမိူင်းဢိၼ်ႊတူဝ်ႊၼီႊသျႃႊ ၵူၼ်းမိူင်းတၢႆ 10 ပၢႆ ႁၢႆဝႆႉၸမ် 20 ၵေႃႉ ဝႃႈၼႆ။

ႁေႊရီႊယၼ်ႊတူဝ်ႊ ႁူဝ်ၼႃႈ ၸုမ်းၸွႆႈထႅမ် လွင်ႈမၢတ်ႇၸဵပ်းလူႉတၢႆ လူင်ပွင်ၸိုင်ႈ ၵုၼ်သူႊလႃႊဝေႊသီႊ ၸိုင်ႈမိူင်း ဢိၼ်ႊတူဝ်ႊၼီႊသျႃႊ ပိုၼ်ၽၢဝ်ႇ မိူဝ်ႈဝႃးဝၼ်းတီႈ 8 လိူၼ်ၵျူႊလၢႆႊဝႃႈ မိူင်ၶမ်းၵူၼ်ႇလႄႈ ၵူၼ်းဝၢၼ်ႈ ၸိူဝ်းယူႇႁိမ်း ႁွမ်းၼၼ်ႉ မၢတ်ႇၸဵပ်းလူႉတၢႆ။

မိူင်ၶမ်းဢၼ်ၼႆႉ ပဵၼ်ဢၼ်ဢမ်ႇၶဝ်ႈတၢင်းၵၢၼ် သမ်ႉမီးၼႂ်းၵုၼ်ဝႆႉလႄႈ တႃႇတေၵႂႃႇၸွႆႈၵူၼ်းမၢတ်ႇၸဵပ်းလူႉတၢႆ ယၢပ်ႇၽိုတ်ႇ။ ၵွပ်ႈၼႆလႄႈ ၾၢႆႇတၢင်းပလိၵ်ႈ လႆႈသူင်ႇႁိူဝ်းမိၼ်ႁႄႊလီႊၵွပ်ႊတႃႊ ၵႂႃႇၸွႆႈ ဝႃႈၼႆ။

လိၼ်ၵူၼ်ႇတဵင်လႄႈ ႁိူၼ်းယေးၵူၼ်းမိူင်း ၵွႆၼမ် ၶူဝ်ၵေႃႈႁၵ်းပင်းၼႆ ၸုမ်းၸွႆႈထႅမ် ရေႃးၵႃႇၵၢပ်ႈတၢင်းပဵၼ် BNPB ပိုၼ်ၽၢဝ်ႇၼင်ႇၼႆ။

တီႈၸႄႈမိူင်းၵူဝ်ႊရုၼ်ႊတႃႊလူဝ်ႊၼႆႉ ၾူၼ်တူၵ်းႁႃႇယႂ်ႇ တေႃႇထိုင်ဝၼ်းဢၢင်းၵၢၼ်း မိူဝ်ႈၼႆႉလႄႈ ၼမ်ႉထူမ်ႈၸိူဝ်း ၼႆႉပႆႇယွမ်းလူမ်း။ ပေႃးၼမ်ႉထူမ်ႈၶၢဝ်းယၢဝ်းၼႆ ၵူၼ်းမိူင်းၸၢင်ႈထူပ်းၽေးတၢင်းပဵၼ်တွင်ႉႁေႈလႄႈ တၢင်းပဵၼ်ၵၢပ်ႈ ၵႃႇလ ၼႆႉထႅင်ႈလူးၵွၼ်ႇ ၸုမ်းၸွႆႈထႅမ် BNPB ပိုၼ်ၽၢဝ်ႇၼင်ႇၼႆ။

ဢၢင်ႈဢိင် – DVB