ၽူႈၵွၼ်းဝဵင်းလူင် တူဝ်ႊၵဵဝ်ႊ မိူင်းၵျပၼ်ႊ ၼၢင်းယူႊရီႊၵူဝ်ႊ ၵူဝ်ႊဢိၵႄႉ ဢွင်ႇပေႉပၢင်လိူၵ်ႈတင်ႈထႅင်ႈ ၵမ်းထူၼ်း 3 လႄႈ တေလႆႈပဵၼ်ၽူႈၵွၼ်းၾၢႆႇၽွင်းငမ်း ထႅင်ႈ 4 ပီ။
ၼၢင်းယူႊရီႊၵူဝ်ႊ ၵူဝ်ႊဢိၵႄႉၼႆႉ လႆႈၶႅပ်းမႄး 2 လၢၼ်ႉပၢႆသေ ဢွင်ႇပေႉပၢင်လိူၵ်ႈတင်ႈ လူၼ်ႉႁိုၵ်းလူၼ်ႉၾင်ႇ။ မၼ်းၼၢင်းၼႆႉ ဢမ်ႇမီးပႃႇတီႇ ဢမ်ႇမီးမူႇၸုမ်း။ ယူႇတီႈသုၼ်ႇတူဝ်သေ ၶဝ်ႈၶေႉၶဵင်ႇၵူၺ်း။ ယဝ်ႉၵေႃႈ မၼ်းၼၢင်း မီးဢႃယု 71 ပီယဝ်ႉ ဝႃႈၼႆ။
ၵွၼ်ႇၼႃႈ မၼ်းၼၢင်း တေၶဝ်ႈမႃးၼႂ်း ၵၢၼ်မိူင်း ၽွင်းပီ 1990 ၸိူဝ်းၼၼ်ႉ မၼ်းၼၢင်း ယၢမ်ႈပဵၼ်ၽူႈသိုဝ်ႇၶၢဝ်ႇမႃး ဝႃႈၼႆ။
ၼၢင်းယူႊရီႊၵူဝ်ႊ ၵူဝ်ႊဢိၵႄႉၼႆႉ ၶဝ်ႈပၢင်လိူၵ်ႈတင်ႈ သုၼ်ႇလဵဝ်သေတႃႉ လႆႈတၢင်းၵမ်ႉထႅမ်တီႈပႃႇတီႇ တီႊမူဝ်ႊၶရဵတ်ႉ လိပ်ႊပရႄႊလ် မႃးတႃႇသေႇ ၼႆယဝ်ႉ။
ဢၢင်ႈဢိင် – DVB
