ၾၢႆၼမ်ႉတူင်းတိင် ၸႄႈမိူင်းႁူၼၢၼ် မိူင်းၶႄႇ တႅၵ်ႇၼမ်ႉထူမ်ႈဝၢၼ်ႈဝဵင်းႁိမ်းႁွမ်းၼၼ်ႉ ၵူၼ်းမိူင်း ထူပ်းၽေးၼမ်ႉ ၼပ်ႉႁူဝ်ႁဵင်ၵေႃႉ။
ၾၢႆၼမ်ႉတႅၵ်ႇ မိူဝ်ႈဝၼ်းတီႈ 5 လိူၼ်ၵျူႊလၢႆႊၼႆႉသေ ၼမ်ႉထူမ်ႈၶဝ်ႈ တႃႇ 3-4 ဝဵင်း ဢၼ်မီးႁိမ်းႁွမ်း ၼၼ်ႉ ၵူၼ်းမိူင်း မီးလွင်ႈမၢတ်ႇၸဵပ်းလူႉတၢႆ ၵမ်ႈၽွင်ႈ ၵူၺ်းၵႃႈ ပႆႇလႆႈႁူဝ်ယွႆႈမၼ်းၼႆ ဢိင်ၼိူဝ်ၶၢဝ်ႇ ရၢႆႊထိူဝ်ႊသေ ၶၢဝ်ႇ DVB ၵေႃႈ ပိုၼ်ၽၢဝ်ႇဝႆႉ ၼင်ႇၼႆ။
ၾၢႆၼမ်ႉတူင်းတိင်ၼႆႉ ပဵၼ်ၾၢႆၼမ်ႉဢၼ်ယႂ်ႇသုတ်းထီႉ 2 ၶွင်ၸိုင်ႈမိူင်းၶႄႇ။ ၽွင်းပီ 1996 ၼၼ်ႉၵေႃႈ ယၢမ်ႈတႅၵ်ႇယဝ်ႉ ပွၵ်ႈၼိုင်ႈ။ ၵူၺ်းၵႃႈ ၽွင်းၼၼ်ႉ ဢမ်ႇတႅၵ်ႇယႂ်ႇပဵင်း ယၢမ်းလဵဝ်။
တီႈမိူင်းၶႄႇ ပီၼႆႉ ၾူၼ်တူၵ်းၼမ် ၼမ်ႉထူမ်ႈႁႅင်း။ တုမ်ႉတိူဝ်ႉ ၵူၼ်းမိူင်းႁၢဝ်ႈႁႅင်း လိူဝ်တၢင်ႇပီ ၶၢဝ်ႇရၢႆႊထိူဝ်ႊ ႁၢႆးငၢၼ်းဝႆႉၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ