Wednesday, July 17, 2024

ပလိၵ်ႈထႆး တီႉလႆႈၶိူင်ႈၸၢၵ်ႈ Star Link မွၵ်ႈ 60 လုၵ်ႈ

Must read

ပလိၵ်ႈၾၢႆႇၵဵပ်းၶွၼ်ႇမိူင်းထႆး တီႉၺွပ်းလႆႈၶိူင်ႈၸၢၵ်ႈ Star Link မွၵ်ႈ 60 လုၵ်ႈ ဢၼ်တေသူင်ႇၸူး လႅၼ်လိၼ် မိူင်းမၢၼ်ႈ။

ၸဝ်ႈၼႃႈတီႈ ပလိၵ်ႈၾၢႆႇၵဵပ်းၶွၼ်ႇမိူင်းထႆး ပိုၼ်ၽၢဝ်ႇၼႂ်းဝၼ်းတီႈ 19/06/2024 ၼႆႉဝႃႈ တီႉၺွပ်း လႆႈၶိူင်ႈၸၢၵ်ႈ Star Link မွၵ်ႈ 60 လုၵ်ႈ ၼႂ်းၸႄႈတွၼ်ႈတၢၵ်ႇ လႅၼ်လိၼ်ထႆး – မၢၼ်ႈ ဝႃႈၼႆ။

- Subscription -

ၶိူင်ႈၸၢၵ်ႈ Star Link ၼႆႉ ဢဝ်ၵွင်ႉၵၼ်တၢင်းလၢဝ်ထဵမ်း(ဂြိုဟ်တု) သေ ၸႂ်ႉတိုဝ်းဢိၼ်ႊထိူဝ်ႊၼႅတ်ႊလႆႈ ။ ၶိူင်ႈ ၸၢၵ်ႈ ၸိူဝ်းၼႆႉ လုၵ်ႉတီႈၸႄႈတွၼ်ႈတၢၵ်ႇသေ တေဢၢၼ်းသူင်ႇၵႂႃႇတၢင်း မႄႈသွတ်ႇ။

ၸဝ်ႈၼႃႈတီႈ ပလိၵ်ႈၾၢႆႇၵဵပ်းၶွၼ်ႇမိူင်းထႆးၶဝ် ၶၢတ်ႈလၢမ်းဝႃႈ – ပဵၼ်ၶူဝ်းၶွင် ၵူၼ်းၸိူဝ်းႁဵတ်းၵၢၼ် လွၵ်ႇလႅၼ်ၵိၼ်ငိုၼ်း ၼိူဝ် Online ။ တႃႇတေဢဝ်ၵႂႃႇၸႂ်ႉတိုဝ်း တီႈၼႂ်းၵၢၼ်ယွၵ်ႇလႅၼ်ၼၼ်ႉ လုၵ်ႉဢဝ်တီႈလႅၼ်လိၼ် မိူင်းၵမ်ႇပေႃးတီးယိူဝ်းသေ တေဢၢၼ်းသူင်ႇၶဝ်ႈၵႂႃႇတၢင်းလႅၼ်လိၼ် မိူင်းမၢၼ်ႈ လူၺ်ႈဢမ်ႇၶဝ်ႈတၢင်းၵၢၼ် – ဝႃႈၼႆ။

ၶိူင်းၸၢၵ်ႈ Star Link ၸိူဝ်းၼႆႉ ယွၼ်ႉဢမ်ႇႁဵတ်း ၸွမ်းၼင်ႇပၵ်းပိူင်မၢႆမီႈ ၾၢႆႇၵဵပ်းၶွၼ်ႇမိူင်းထႆးသေ တေႃႉၶဝ်ႈမႃးၼႂ်းမိူင်းထႆးလႄႈ ၸင်ႇလႆႈတီႉၺွပ်း – ၼႆယဝ်ႉ။

ၸွမ်းၼင်ႇ ၶေႃႈမၵ်းမၼ်ႈ ၶွမ်ႇမသျိၼ်ႇၵၢၼ်ၵပ်းသိုပ်ႇလႄႈ ၾၢႆႇပိုၼ်ၽၢဝ်ႇမိူင်းထႆး (NBTC) မီးဝႆႉ ၼၼ်ႉတႄႉ ၶိူင်ႈ ၸၢၵ်ႈ Star Link လႄႈ ၶိူင်ႈဢၼ်ၵဵဝ်ႇၶွင်ႈ ၸိူဝ်းၼႆႉ ႁႄႉႁၢမ်ႈဝႆႉ၊ ဢမ်ႇပၼ်ၶႂၢင်ႉ တေႃႉတၢင်ႇၶဝ်ႈမႃးၼႂ်းမိူင်းထႆး – သိုဝ်ႇၶၢဝ်ႇ BBC ဢွၵ်ႇဝႆႉၼင်ႇၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း