Wednesday, July 17, 2024

ၾူၼ်တူၵ်းႁႅင်း ၼႂ်းမိူင်းၶႄႇပွတ်းၸၢၼ်း လိၼ်ၵူၼ်ႇတဵင် ၵူၼ်းတၢႆ 9 ၵေႃႉ

Must read

ဝၼ်းတီႈ 17 လိူၼ်ၵျုၼ်ႊၼႆ့ သိုဝ်ႇၶၢဝ်ႇၸိုင်ႈမိူင်းၶႄႇ ႁၢႆးငၢၼ်းဝႃႈ – ၾူၼ်တူၵ်းႁႅင်း ၼႂ်းၸႄႈတွၼ်ႈ ဢၼ်မီးဝႆႉၸွမ်း ၾင်ႇပၢင်ႇလၢႆႇမိူင်းၶႄႇ။ မိူၼ်ၼင်ႇ တီႈၵွၼ်းတူင်ႇလႄႈ ၽူးၵျႅၼ်းၼႆႉ ၾူၼ်တူၵ်းႁႅင်းသေ လိၼ်ၵူၼ်ႇတဵင်ၵူၼ်းတၢႆ 9 ၵေႃႉလႄႈ ႁၢႆဝႆႉ 17 ၵေႃႉ – ဝႃႈၼႆ။

တီႈၼႂ်းဝဵင်းမႄႉၵျူဝ်း ၸႄႈမိူင်းၵွၼ်းတူင်ႇၼၼ်ႉ ယွၼ်ႉၾူၼ်တူၵ်းႁၢဝ်ႈႁႅင်းလႄႈ ႁဵတ်းႁႂ်ႈႁိူၼ်းတိုၵ်းၵူၼ်ႇပင်း ၼမ်ႉလူၵ်ႈၼမ်ႉၼွင်း – ၼႆယဝ်ႉ။

- Subscription -

ၾၢႆႇၾိင်ႈၾႃႉရႃႇသီႇ ၶၢဝ်ႇငၢဝ်းၾူၼ်လူမ်း ပိုၼ်ၽၢဝ်ႇ ပဵၼ်ၸၼ်ႉၾူၼ်တူၵ်းႁၢဝ်ႈႁႅင်းသေ ပိုၼ်ႉတီႈ ၵမ်ႈၼမ် ထုၵ်ႇပၼ်ၾၢင်ႉဝႆႉ လွင်ႈၽေးၼမ်ႉလူၵ်ႈၼမ်ႉၼွင်း – ဝႃႈၼႆ။

ၼႂ်းလၢႆဝၼ်းပူၼ်ႉမႃးၼႆႉ ၼႂ်းမိူင်းၶႄႇပွတ်းၸၢၼ်း လႆႈႁူပ်ႉၽေး ၾူၼ်တူၵ်းႁၢဝ်ႈႁႅင်း။ မိူၼ်ၼင်ႇ ၸႄႈတွၼ်ႈၵျႅၼ်းသျီး၊ ၵွီႇၵျူဝ်း၊ ၵွၼ်းတူင်ႇ၊ ၽူးၵျႅၼ်းလႄႈ ၵွၼ်းသျီး ၸိူဝ်းၼႆႉ ၾူၼ်တူၵ်းႁၢဝ်ႈႁႅင်းသေ ပဵၼ်ၼမ်ႉလူၵ်ႈၼမ်ႉၼွင်း – သိုဝ်ႇၶၢဝ်ႇ DVB ဢွၵ်ႇဝႆႉၼင်ႇၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း