တီႈမိူင်းယၢင်းလႅင် ဝဵင်းလွႆၶေႃၼၼ်ႉ ပလိၵ်ႈမၢၼ်ႈ လူတ်းယွမ်း လွင်ႈၵိၼ်ယႅမ်ႉ ဢၼ်ၸႅၵ်ႇပၼ် ၵူၼ်းတူၵ်းၶွၵ်ႈလႄႈ ႁဵတ်းႁႂ်ႈၵူၼ်းတူၵ်းၶွၵ်ႈ ဢမ်ႇလႆႈဢႁႃႇရတဵမ် ဢွၼ်ၵၼ် ၸပ်းတၢင်းပဵၼ် ဢမ်ႇယွမ်း 20 ၵေႃႉယဝ်ႉ ဝႃႈၼႆ။
တီႈၶွၵ်ႈလူင် ဝဵင်းလွႆၶေႃၼႆႉ ႁၢမ်ႈပီႈၼွင်ႉမႃး သူႇၸႂ်းၵူၼ်းတူၵ်းၶွၵ်ႈ ၸဵမ်မိူဝ်ႈပီၵၢႆမွၵ်ႈ လိူၼ်ဢေႃႊၵတ်ႊသ် ဝၢႆးၼၼ်ႉ ၾၢႆႇတၢင်းပလိၵ်ႈၵုမ်းၶွၵ်ႈ လူတ်းတၢင်းၵိၼ် တၢင်းယႅမ်ႉ ဢၼ်ၸႅၵ်ႇလဵင်ႉၵူၼ်းၶွၵ်ႈထႅင်ႈ ႁဵတ်းႁႂ်ႈ ၵူၼ်းပဵၼ်တၢင်းပဵၼ်တွင်ႉ၊ တၢႆၽၢၵ်ႇ၊ တၢင်းပဵၼ်ၶၢဝ်းယၢဝ်း ၸိူဝ်းၼႆႉ ၼမ်မႃး။
ၸိူဝ်းပဵၼ်ဝႆႉၵေႃႈ ပဵၼ်ၵိၼ်းလိူဝ်ၵဝ်ႇထႅင်ႈ ပဵၼ်ဢၼ်လီမႆႈၸႂ်ၼႆ ၸုမ်းတူၺ်းလူၵူၼ်း တူၵ်းၶွၵ်ႈၵၢၼ်မိူင်း မိူင်းယၢင်းလႅင် KPPA လၢတ်ႈတီႈၶၢဝ်ႇ ယၢင်းလႅင်ဝႆႉၼင်ႇၼႆ။
