Saturday, June 22, 2024

ၾႆးၾႃႉသျွတ်ႉ ၵူၼ်းၸၢႆး 2 ၵေႃႉ လူႉတၢႆ တီႈဝဵင်းၼမ်ႉၶမ်း

Must read

ဝၼ်းတီႈ 15/5/2024 ယၢမ်းၵၢင်ၼႂ် ၾႆးၾႃႉသျွတ်ႉ ၽွင်းၵေႃႇသၢင်ႈႁိူၼ်း ၼႂ်းပွၵ်ႉသႃႇယႃႇၵုင်း ဝဵင်းၼမ်ႉၶမ်း ၸႄႈတွၼ်ႈမူႇၸေႊ ၸိုင်ႈတႆးပွတ်းႁွင်ႇ ၵူၼ်းႁဵတ်းႁိူၼ်း 2 ၵေႃႉ လူႉတၢႆ ၼႆယဝ်ႉ။

ဝၼ်းၼၼ်ႉ ၵူၼ်းႁဵတ်းၵၢၼ်ၵေႃႇသၢင်ႈ 4 ၵေႃႉ သႂ်ႇလဵၵ်းႁၢဝ်း တႃႇမုင်းႁဵၵ်ႇ၊ ၽွင်းသဵပ်ႇၶိူင်ႈၸၢၵ်ႈ လိူဝ်ႈလဵၵ်း ဢဝ်ၾႆးသျွတ်ႉသႂ်ႇ ၵူၼ်းၸၢႆးသွင်ၵေႃႉ၊ ၵေႃႉၼိုင်ႈ တၢႆထင်တီႈ၊ ထႅင်ႈၵေႃႉၼိုင်ႈ လူႉတၢႆ ပွတ်းတၢင်း ၽွင်းသူင်ႇယူတ်းယႃတူဝ် ႁူင်းယႃ ဝႃႈၼႆ။

- Subscription -
ၾႆးၾႃႉသျွတ်ႉ ၵူၼ်းၼမ်ႉၶမ်း
Photo by – ၵူၼ်းပိုၼ်ႉတီႈ/ ၾႆးၾႃႉသျွတ်ႉ ၵူၼ်းၼမ်ႉၶမ်း

ၵူၼ်းၸၢႆးသွင်ၵေႃႉ ဢၼ်ၺႃးၾႆးၾႃႉသျွတ်ႉလူႉတၢႆၼၼ်ႉ ပဵၼ်ဢူးမၢႆးတၢၼ်းဢူး ဢႃယု 54 ပီလႄႈ ဢူးမၢႆးမဵဝ်းတၢၼ်ႉ ဢႃယု 31 ပီ ပဵၼ်ၵူၼ်းယူႇသဝ်း ၼႂ်းပွၵ်ႉဢွင်ႇၶျၢမ်းသႃႇ ဝဵင်းၼမ်ႉၶမ်းသေ ႁဵတ်းၵၢၼ် ၵေႃႇသၢင်ႈႁဵတ်းႁိူၼ်း ဝႃႈၼႆ။

မိူၼ်ၼႆ ဝၼ်းၼၼ်ႉ ယၢမ်းၵၢင်ဝၼ်း ဢွၼ်ႇၸၢႆးၵူၼ်းပၢႆႈၽေး တီႈသုၼ်ပၢႆႈၽေးသိုၵ်း ႁိမ်းဝဵင်းလၢႆႊသႃႇ မိူင်းၶၢင် ၾႆးၾႃႉသျွတ်ႉ တၢႆထင်တီႈ။ ဢွၼ်ႇၸၢႆးၼၼ်ႉ ၸိုဝ်ႈႁွင်ႉ လပၢၼ်ႊလု ၵႃႇသၢၼ်ဢွင်ႇ ဢႃယုမွၵ်ႈ 10 ၶူပ်ႇ ပဵၼ်လုၵ်ႈၸၢႆး ၵေႃႉလဵဝ် ဝႃႈၼႆ။

ဢၢင်ႈဢိင် – သူၺ်ႇပျီႇမေႇလႄႈ မၢၼ်းၼၵႃး

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း