သိုၵ်းရၶႅင်ႇ AA ယိုတ်းလႆႈဝႆႉ 8 ၸႄႈဝဵင်းၼႂ်းမိူင်းရၶႅင်ႇလႄႈ 1 ၸႄႈဝဵင်း ၼႂ်းမိူင်းၶျၢင်း၊ ၵိုတ်း9 ၸႄႈဝဵင်းၼၼ်ႉတႄႉ ယိုတ်းလႆႈဝႆႉ တပ်ႉသိုၵ်းမၢၼ်ႈတပ်ႉယႂ်ႇတပ်ႉလူင်ဝႆႉသေ ဢၼ်လူဝ်ႇသႂ်ႇႁႅင်း ယိုဝ်းထႅင်ႈ ၵိုတ်း ဢမ်ႇပေႃးၼမ်ယဝ်ႉလႄႈ ၼႂ်းပီ 2025 ၼႆႉ ဢၢၼ်းတေယိုတ်းလႆႈတင်းမိူင်းပတ်းပိုၼ်ႉယူႇ ဝႃႈၼႆ။

ဢူးၽေႇတၢၼ်း ၽူႈလဵပ်ႈႁဵၼ်းၵၢၼ်မိူင်း မိူင်းရၶႅင်ႇ လၢတ်ႈတီႈသိုဝ်ႇၶၢဝ်ႇ DVB ဝႃႈ – “ ယၢမ်းလဵဝ် သိုၵ်းရၶႅင်ႇ ပိုတ်းယိုဝ်းဝႆႉ သိုၵ်းမၢၼ်ႈတီႈဝဵင်းပူးတီးတွင်ႇ- မွင်းတေႃး၊ ဝဵင်းဢၢမ်း ဝဵင်းတၢၼ်ႇတွႆးႁၢဝ်ႈႁႅင်း။ ၼႂ်းၶၢဝ်းၾူၼ်တူၵ်းၼႆႉ လႅပ်ႈတေယိုတ်းလႆႈမူတ်း၊ ယၢမ်းလဵဝ် ဝဵင်းဢၼ်သိုၵ်းရၶႅင်ႇ ယိုတ်းလႆႈဝႆႉၸိူဝ်းၼၼ်ႉ သိုၵ်းမၢၼ်ႈဢမ်ႇၶဝ်ႈၸိမ်လႆႈသေ ဢိတ်းယဝ်ႉ” – ဝႃႈၼႆ။

ၾၢႆႇၼိုင်ႈ တီႈဝဵင်းၸိတ်ႉတူၺ်ႇလႄႈ ၵျွၵ်ႉၽိဝ်ႇ – တီႈဢၼ်မီး ပၢႆးမၢၵ်ႈမီးသိုၵ်းမၢၼ်ႈလႄႈ မိူင်းၶႄႇ ယႂ်ႇလူင်ၼၼ်ႉ ၵေႃႈ သိုၵ်းရၶႅင်ႇ ပိုၼ်ၽၢဝ်ႇႁႂ်ႈၵူၼ်းမိူင်း ပိုၼ်ႉတီႈၶၢႆႉပၢႆႈဝႆႉလႄႈ လႅပ်ႈပၢင်ႈတိုၵ်းတေပဵၼ်ယႂ်ႇ – ၶၢဝ်ႇ DVB ၵေႃႈ ပိုၼ်ၽၢဝ်ႇဝႆႉပႃးၼင်ႇၼႆ။