မုၼ်ၸဝ်ႈပူပ်ႉ ၾရၼ်ႊၸိတ်ႉသ် ၶဝ်ႈႁူမ်ႈပၢင်ယွၼ်းသူးပၼ်ၵူၼ်းထူပ်းၽေးၼမ်ႉ တၢႆတီႈမိူင်းၶႅၼ်ႊယႃႊၼၼ်ႉသေ မွၵ်ႇလၢတ်ႈၶေႃႈၵႂၢမ်းၵႂႃႇဝႃႈ ယႃႇပေလိုမ်းယွၼ်းသူး ပၼ်ၵူၼ်းမိူင်းၸိူဝ်းထူပ်းၽေးသိုၵ်း ၼႂ်းလုမ်ႈၾႃႉ ဝႃႈၼႆ။
ပၢင်ယွၼ်းသူး လွင်ႈဝႆႈၽြႃးၼႆႉ ၸတ်းတီႈႁေႃလူင် ဝႃႊတီႊၵၼ်ႊ မိူင်းရူမ်ႊ မိူဝ်ႈဝၼ်းတီႈ 30/04/2024 ပူၼ်ႉမႃးၼႆႉ ဝႃႈၼႆ။
မၼ်းၸဝ်ႈလၢတ်ႈဝႃႈ – “ယႃႇလိုမ်းယွၼ်းသူးပၼ်ပႃး ၵူၼ်းမိူင်းယူႊၶရဵၼ်ႊ၊ ၵူၼ်းမိူင်းပႃႊလႅတ်ႉသ်တၢႆးလႄႈ မိူင်းဢိတ်ႉသရေႊ၊ ၵူၼ်းၸၢဝ်းရူဝ်ႊႁိၼ်ႊၵျႃႊလႄႈ ၵူၼ်းမိူင်းမၢၼ်ႈ ၸိူဝ်းထူပ်းၽေးသိုၵ်းသိူဝ်သေ လႆႈတုၵ်ႉၶၵိၼ်းၸႂ်ယူႇ ယၢမ်းလဵဝ်၊ ယႃႇလိုမ်းယွၼ်းသူးပၼ် ၸိူဝ်းၶဝ်ႁႂ်ႈၸဵဝ်းပူၼ်ႉ ၽေးသိုၵ်းသိူဝ်သေ ႁႂ်ႈၸဵဝ်းလႆႈလွင်ႈငမ်းယဵၼ်” – ဝႃႈၼႆ။
ယၢမ်းလဵဝ် ယွၼ်ႉပိူဝ်ႈၽေးၼမ်ႉထူမ်ႈ ယႂ်ႇလူင်သေ ၵူၼ်းမိူင်းၶႅၼ်ႊယႃႊ တၢႆ 170 ပၢႆ ႁၢႆၼပ်ႉႁူဝ်သိပ်းဝႆႉ။ ၵူၼ်းမိူင်း 2 သႅၼ်ပၢႆ လႆႈႁၢမ်းႁိူၼ်းယေးတီႈယူႇ။ ၵွပ်ႈၼႆလႄႈ မုၼ်ၸဝ်ႈပူပ်ႉ ၾရၼ်ႊသိတ်ႉသ် ၸင်ႇၶဝ်ႈႁူမ်ႈပၢင်ယွၼ်းသူး။
ဢၢင်ႈဢိင် – VOA
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ