လၢၼ်ႇလႅၼ်လိၼ် မျႃႉဝတီႇ -မႄႈသွတ်ႇ လႆႈပိၵ်ႉဢိုတ်းၵႂႃႇ မွၵ်ႈ 1 ဝူင်ႈၼၼ်ႉ ယၢမ်းလဵဝ် ၾၢႆႇမၢၼ်ႈပိုၼ်ၽၢဝ်ႇ ပိုတ်ႇပၼ်ၶိုၼ်းယဝ်ႉ။
လၢၼ်ႇလႅၼ်လိၼ်ၼႆႉ တႄႇပိၵ်ႉမိူဝ်ႈဝၼ်းတီႈ 23/04/2024 ၼၼ်ႉသေ ထိုင်မႃးဝၼ်းတီႈ 27 ၼႆႉ ပိုတ်ႉပၼ်ၵူၼ်းမိူင်း ၵႂႃႇမႃးၶိုၼ်းယဝ်ႉလႄႈ ၵူၼ်းမိူင်းမၢၼ်ႈ ဢၼ်ပၢႆႈၵႂႃႇသွၼ်ႈဝႆႉ တၢင်းၾင်ႇထႆးၼၼ်ႉ ၶိုၼ်းပွၵ်ႈမႃး ၼပ်ႉႁူဝ်ပၢၵ်ႇ ၼႆယဝ်ႉ။
ယွၼ်ႉဝႃႈ ၸိူဝ်းၶဝ်ႁဵတ်းဝႆႉ ဝႂ်ၶၢမ်ႈၶူဝ်ၶၢဝ်းတၢင်း 7 ဝၼ်းၵူၺ်းလႄႈ သင်ဝႂ်ၶၢမ်ႈၶူဝ်ၼၼ်ႉ ပူၼ်ႉ 7 ဝၼ်းၵႂႃႇၸိုင် တၢင်းၾၢႆႇထႆး တေယွၼ်းၵႃႈယူႇပူၼ်ႉထႅင်ႈ 200 ထိုင် 500 ဝၢတ်ႇ ဝႃႈၼႆ။
ၵမ်ႈၽွင်ႈတႄႉ လၢတ်ႈဝႃႈ ပေႃးပွၵ်ႈမိူဝ်းဝၢၼ်ႈၵိူတ်ႇမိူင်းၼွၼ်းယဝ်ႉ ၵူဝ်ပွၵ်ႈမႃးၶိုၼ်းတၢင်း မိူင်းထႆးယၢပ်ႇလႄႈ တင်ႈ ၸႂ်ယူႇဝႆႉတၢင်းၾင်ႇထႆး။ ပေႃးငဝ်းလၢႆးပၢင်တိုၵ်းယဵၼ် ၸင်ႇတေပွၵ်ႈၶိုၼ်းႁိူၼ်းၼႆၵေႃႈမီး – သိုဝ်ႇၶၢဝ်ႇ VOA ဢွၵ်ႇဝႆႉ ၼင်ႇၼႆ။
