Thursday, May 23, 2024

မိူင်းၵဵင်းမႂ်ႇ ပဵၼ်မိူင်းၾုၼ်ႇၵႂၼ်းၼႃသုတ်း ၼႂ်းလုမ်ႈၾႃႉ

Must read

ဝၼ်းတီႈ 9/4/2024 ယၢမ်းၵၢင်ၼႂ် 9 မူင်း 20 မိၼိတ်ႉၼၼ်ႉ မိူင်းၵဵင်းမႂ်ႇ ၸိုင်ႈထႆး ပဵၼ်မိူင်းဢၼ်မီးလူမ်း ဢၼ်ဝူၺ်ႇ ႁင်ႈသုတ်းၼႂ်းလုမ်ႈၾႃႉ ႁွင်ႈၵၢၼ်ၶၢဝ်ႇ ပႅင်းၶွၵ်ႉပူတ်ႉသ် ပိုၼ်ၽၢဝ်ႇဝႆႉၼင်ႇၼႆ။

ၸွမ်းၼင်ႇ IQAir တႅၵ်ႈတူၺ်းၸိုင် ၼိုင်ႈၵျုပ်ႉပိၵ်ႉမီႊတႃႊ(ၼိုင်ႈလုၵ်ႈပၢတ်ႇမဵတ်ႉ) ၼႆႉ ၾုၼ်ႇၼႃ 203 မၢႆႊၶရူဝ်ႊၵရမ်ႊ ဝႃႈၼႆဝႆႉ။

- Subscription -

သင်ဝႃႈ ၾူၼ်ဢမ်ႇတူၵ်းတူဝ်ႈမိူင်းၸိုင် ၾုၼ်ႇၼႃႁၢဝ်ႈႁႅင်းတီႈဝဵင်းၵဵင်းမႂ်ႇၼႆႉ တေသိုပ်ႇၼႃထႅင်ႈ တေႃႇထိုင် ဝၼ်းတီႈ 12 ၊ ပဵၼ်ၸၼ်ႉဢၼ် တုမ်ႉတိူဝ်ႉပၢႆးယူႇလီၵူၼ်းမိူင်း ဝႃႈၼႆ။

တႃႇၽိုၼ်ႉၽူးၶိုၼ်းပၢႆးမၢၵ်ႈမီး ဢၼ်လူႉမႃးၶၢဝ်းတၢင်း 2-3 ပီၼႆႉ ၼႆသေ ၶၢဝ်းသွၼ်းၼမ်ႉ လိူၼ်ႁႃႈ ပီၼႆႉ ဢၼ်ပဵၼ်ပီမႂ်ႇမိူင်းၸၢဝ်းၵဵင်းမႂ်ႇၶဝ်ၼၼ်ႉၵေႃႈ လူင်ပွင်ၸိုင်ႈထႆး ပိုၼ်ၽၢဝ်ႇ ဝႆႉဝႃႈ တေၸတ်းၶိုၵ်ႉယႂ်ႇ ၵိုၼ်းလူင် ၼႂ်းၶၢဝ်းတၢင်းဝၼ်းတီႈ 11 ထိုင် 15 ။ လၢမ်းၶၢတ်ႈဝႆႉဝႃႈ ၶႅၵ်ႈၼွၵ်ႈမိူင်းလႄႈၼွၵ်ႈပိုၼ်ႉတီႈ တေမႃးၶဝ်ႈႁူမ်ႈပွႆးသွၼ်းၼမ်ႉ တီႈဝဵင်းၵဵင်းမႂ်ႇ ဢမ်ႇယွမ်း 1 သႅၼ် 3 မိုၼ်ႇၵေႃႉ ၾၢႆႇဢႅဝ်ႇယဵမ်ႈတွင်ႈတဵဝ်း ပိုၼ်ၽၢဝ်ႇဝႆႉၼင်ႇၼႆ။

ယၢမ်းလဵဝ် တီႈဝဵင်းၵဵင်းမႂ်ႇ ၸတ်းလွင်ႈတူင်ႉၼိုင်ပၢင်ၼႄၾိင်ႈငႄႈၾိင်ႈထုင်းယူႇ တင်ႈတႄႇဝၼ်းတီႈ 4 မႃး။

ဢိင်ၼိူဝ် လွင်ႈၾုၼ်ၵႂၼ်းၼႃႁႅင်းၼႆႉသေ 7 ၸႄႈဝဵင်း ၼႂ်းၸႄႈတွၼ်ႈၵဵင်းမႂ်ႇ ထုၵ်ႇပိုၼ်ၽၢဝ်ႇဝႆႉ ပဵၼ်ပိုၼ်ႉတီႈ ဢၼ်ၸၢင်ႈတုမ်ႉတိူဝ်ႉပၢႆးယူႇလီလႄႈ လူင်ပွင်ၸိုင်ႈ ယင်းတိုၵ်းသူၼ်းၵူၼ်းႁဵတ်းၵၢၼ် တီႈႁူင်းၸၢၵ်ႈ၊ တီႈဢၼ်လႆႈမႆႈၸႂ် တႃႇလူမ်းထူၺ်ႈၸႂ်ၼၼ်ႉ ႁႂ်ႈယူႇႁိူၼ်းႁဵတ်းၵၢၼ် တေႃႇထိုင်ဝၼ်းတီႈ 11 လိူၼ်ဢေႊပရိူဝ်ႊ ဝႃႈၼႆဝႆႉ။

သင်ဝႃႈ ဢွၵ်ႇၼွၵ်ႈႁိူၼ်းၸိုင် ႁႂ်ႈဢွၼ်ၵၼ်သႂ်ႇၽႃႈပူၵ်ႉပၢၵ်ႇ (Mask) လီငၢမ်းသေ ၸင်ႇဢွၵ်ႇ တိုၵ်းသူၼ်းဝႆႉပႃး ၼင်ႇၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း