Sunday, April 14, 2024

သဵင်ၵွင်ႈတႅၵ်ႇၶိုၼ်း တီႈဝဵင်းလႃႈသဵဝ်ႈ ၵူၼ်းမိူင်းတူၵ်းၸႂ်

Must read

မိူဝ်ႈၼႆႉ ဝၼ်းတီႈ 26 လိူၼ်မၢတ်ႊၶျ် သဵင်ၵွင်ႈတႅၵ်ႇၶိုၼ်း တီႈၼမ်ႉပွင်ႈ ၸႄႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ ၵူၼ်းမိူင်းတူၵ်းၸႂ် ဢွၼ်ၵၼ်ၶဝ်ႈယူႇၼႂ်းလုၵ်းပဵမ်ႇ။

ဝဵင်းလႃႈသဵဝ်ႈ

ၵူၼ်းမိူင်းလႃႈသဵဝ်ႈၵေႃႉၼိုင်ႈလၢတ်ႈဝႃႈ -“သိုၵ်းမၢၼ်ႈၵႂႃႇတဝ်တၢင်းဝၢၼ်ႈပၢင်ႁုင်း ၊ ၵႂႃႇႁိုၵ်ႉသႂ်ႇၵၼ်တင်း သိုၵ်းၵဝ်ႈၵၢင်ႉ MNDAA တၢင်းဝၢၼ်ႈပဵင်းၵၢင်ႈ သေယိုဝ်းၵၼ်။ လုၵ်ႉတၢင်း ၶလယ 41 သေ ယိုဝ်းၵွင်ႈလူင်ၸွႆႈ ယိုဝ်းၵႂႃႇတၢင်းႁွင်ႇ ထပ်းၵၼ်မွၵ်ႈ 10 ၵမ်းၼႆႉဢေႃႈ။ ၵူၼ်းဝၢၼ်ႈတၢင်းပၢင်ႁုင်း တူၵ်းၸႂ် သမ်ႉပေႃးလူင်းယူႇၼႂ်းလုၵ်းဢေႃႈ။ တႄႇၵၢင်ဝၼ်းတဵင်ႈၼႆႉယဝ်ႉၶႃႈ သဵင်ၵွင်ႈ သဵင်မၢၵ်ႇတႅၵ်ႇ။ ” -ဝႃႈၼႆ။

- Subscription -

ယၢမ်းၵၢင်ၼႂ်ၼၼ်ႉတႄႉ သိုၵ်းမၢၼ်ႈႁၢမ်ႈၵႃးဢၼ်လုၵ်ႉလႃႈသဵဝ်ႈသေတေၵႂႃႇတၢင်းမိူင်းႁႅတ်ႈ၊ ၵႂႃႇတၢင်းမိူင်းယေႃ၊ ၶိုၼ်ႈၵႂႃႇတၢင်းသႅၼ်ဝီ ၸိူဝ်းၼႆႉယူႇ။ ထိုင်ၵၢင်ဝၼ်းတဵင်ႈမႃး ၵိုင်ႉၵၢင်ႉမႃးယိုဝ်းၵွင်ႈလူင်ၸိူင်ႉၼႆ ႁဵတ်းႁႂ်ႈၵူၼ်းပိုၼ်ႉတီႈတူၵ်းၸႂ်။ ယွၼ်ႉဝႃႈဢမ်ႇလႆႈငိၼ်းသဵင်ၵွင်ႈယႂ်းၸိူင်ႉၼႆလႆႈမႃး 2 လိူၼ်ပၢႆယဝ်ႉလႄႈ ၵူဝ်ပဵၼ်ပၢင်တိုၵ်းယႂ်ႇၶိုၼ်းထႅင်ႈၵူၺ်းယဝ်ႉဝႃႈၼႆ။

ၼႂ်းၶၢဝ်းတၢင်း 2 လိူၼ်ပၢႆ ဝၢႆးလင်ပၢင်တိုၵ်း 1027 မႃးၼႆႉ သဵင်ၵွင်ႈဢမ်ႇတႅၵ်ႇသေတႃႉ မၢႆမီႈႁၢမ်ႈဢွၵ်ႇၼွၵ်ႈႁိူၼ်းယေးတႄႉ ဢမ်ႇယိုတ်းၶိုၼ်း တိုၵ်ႉသိုပ်ႇမီးဝႆႉယူႇတေႃႇထိုင်ယၢမ်းလဵဝ်။ ၼႂ်းၵႄႈၼႆႉ ၽူႈလၵ်ႉၸၵ်ႉၶုတ်ႈ ၵူၼ်းၸူၼ်ၵူၼ်းယွၼ်းၵေႃႈမီးလိူင်ႇၼမ် ၵူၼ်းလႃႈသဵဝ်ႈလၢတ်ႈၼင်ႇၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း