Wednesday, April 24, 2024

သွၼ်းၼမ်ႉပီၼႆႉ ၵူၼ်းၼုမ်ႇ ၸိူဝ်းႁဵတ်းၵၢၼ်ၼွၵ်ႈမိူင်း တေဢမ်ႇပွၵ်ႈႁိူၼ်း

Must read

ၵူႈပီၼၼ်ႉ ပေႃးၶၢဝ်းသွၼ်းၼမ်ႉၼႆ ၵူၼ်းၼုမ်ႇ ၸိူဝ်းၵႂႃႇႁဵတ်းၵၢၼ် တၢင်းမိူင်းထႆး – သိင်ႇၵပူဝ်ႇ – မလေး သျႃး ၸိူဝ်းၼၼ်ႉ တေဢွၼ်ပွၵ်ႈမႃး ၸႂ်းႁိူၼ်းယေးၵၼ် ပီၼႆႉ ယွၼ်ႉသိုၵ်းမၢၼ်ႈ ၵဵပ်းသိုၵ်းလႄႈ ဢမ်ႇပဵၼ်ပွၵ်ႈယဝ်ႉ။

ႁႅင်းၵၢၼ်ယၢၼ်မိူင်း ၵူၼ်းမိူင်းႁူမ်ႈတုမ် ဢၼ်မီးတီႈမိူင်းထႆး လၢတ်ႈဝႃႈ – “ပီၼႆႉ ၵူၼ်းမိူင်းႁဝ်း ယင်းဢွၼ် ၵၼ်ပၢႆႈဢွၵ်ႇမိူင်း။ ၵွပ်ႈၼႆ ၵူၼ်းၸိူဝ်းမီးၼွၵ်ႈမိူင်းတႄႉ တိုၼ်းဢမ်ႇၶႂ်ႈပွၵ်ႈႁိူၼ်းၶိုၼ်းယဝ်ႉ။ ၵူဝ်မိူဝ်းၺႃး ၽွင်းပိူၼ်ႈၵဵပ်းသဵၼ်ႈၸိုဝ်ႈ ၸိူဝ်းၼႆႉဢေႃႈ။ ၵူဝ်ဢမ်ႇမီးလွင်ႈႁူမ်ႇလူမ်ႈ ။ ၵွပ်ႈၼႆ တေသိုပ်ႇယူႇတီႈၵႂႃႇ  ဢၼ်တီႈမီးလွင်ႈႁူမ်ႇလူမ်ႈၵူၺ်းယဝ်ႉ”- ဝႃႈၼႆ။

- Subscription -

ယူႇတီႈၸုမ်းၸွႆႈထႅမ်ႁႅင်းၵၢၼ်ၵေႃႈ ယင်းတူၵ်ႇလၢတ်ႈပၼ်ၾၢင်ႉဝႆႉ ပႆႇၸႂ်ႈၶၢဝ်းလီပွၵ်ႈၸႂ်းႁိူၼ်း ဝႃႈၼႆဝႆႉ။

ၵူႈပီပူၼ်ႉမႃး ၸဵမ်မိူဝ်ႈၵွၼ်ႇၼႃႈၶူဝ်ႊဝိတ်ႉ တေၶဝ်ႈၼၼ်ႉ ၽွင်းၶၢဝ်းသွၼ်းၼမ်ႉၼႆ ပေႃႈလဵင်ႉမႄႈလဵင်ႉ ပၼ်ၶႂၢင်ႉလိုဝ်ႈ၊ လူင်ပွင်ၸိုင်ႈထႆး ပၼ်ဢၼုယၢတ်ႈ ဝီႊသႃႊ တႃႇဢွၵ်ႇမိူဝ်းၸႂ်းႁိူၼ်းယေးလႄႈ ႁႅင်းၵၢၼ် မိူင်းႁူမ်ႈတုမ် တီႈၼႂ်းမိူင်းထႆးၼၼ်ႉ ဢွၼ်ၵၼ်ပွၵ်ႈၸႂ်းႁိူၼ်း ၼပ်ႉႁူဝ်မိုၼ်ႇ။ ဝၢႆးလင် တၢင်းပဵၼ်ၶူဝ်ႊဝိတ်ႉ လၢမ်းၽႄႈ၊ လူင်ပွင်ၸိုင်ႈ ပိၵ်ႉၽၵ်းတူလႅၼ်လိၼ်သေ ႁႅင်းၵၢၼ် မိူင်းႁူမ်ႈတုမ် ဢမ်ႇၸၢင်ႈပွၵ်ႈ ၶိုၼ်းႁိူၼ်းယေး တေႃႇထိုင်ဝၼ်းမိူဝ်ႈၼႆႉ။

တီႈမိူင်းထႆးၼႆႉ ႁႅင်းၵၢၼ်ယၢၼ်မိူင်းၵူၼ်းမိူင်းမၢၼ်ႈမီး 6 လၢၼ်ႉပၢႆယဝ်ႉ ၼႆသိုဝ်ႇၶၢဝ်ႇထႆး ပိုၼ်ၽၢဝ်ႇဝႆႉ ၼင်ႇၼႆ။

တီႈမိူင်းမလေးသျႃးၵေႃႈ ၵူၼ်းမိူင်းမၢၼ်ႈ ဢၼ်ပဵၼ်တၢင်းၵၢၼ်လႄႈ ဢမ်ႇပဵၼ်တၢင်းၵၢၼ် မီးလၢၼ်ႉပၢႆယဝ်ႉ ၵူၼ်းမိူင်းမၢၼ်ႈဢၼ်ႁွတ်ႈဝႆႉ တီႈမိူင်းမလေးသျႃး လၢတ်ႈၼင်ႇၼႆ။

ၵူၼ်းၼုမ်ႇမိူင်းမၢၼ်ႈၼႆႉ ၼွၵ်ႈလိူဝ်မိူင်းထႆး မလေးသျႃး သိင်ႇၵပူႇယဝ်ႉ မိူၼ်မိူင်းၵူဝ်ႊရီႊယႃႊ ၊ ၵျႃႇပၢၼ်ႇ ၸိူဝ်းၼႆႉၵေႃႈ ဢွၼ်ၵၼ်ၵႂႃႇ ႁဵတ်းၵၢၼ်။

ဢၢင်ႈဢိင် – DVB

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း