Sunday, April 14, 2024

ထဝ်ႈၸၢႆးမူႇၸေႊ ၵေႃႉၼိုင်ႈ ယဵပ်ႇၺႃးမၢၵ်ႇမႅင်း ထိုင်တီႈၶႃပုတ်း

Must read

မိူဝ်ႈၼႆႉ ဝၼ်းတီႈ 15/2/2024 ယၢမ်းဝၢႆးဝၼ်း 1 မူင်း ၸၢႆးမွင်ႇ ဢႃယု 63 ပီ ၵူၼ်းဝၢၼ်ႈပၢင်ႇၶမ်း ၵႂႃႇႁႃမႆႉသိၼ်လူဝ် တၢင်း မၢၼ်ႈႁူဝ်ပူဝ်း ဢိူင်ႇပၢင်ႇၶမ်း ၸႄႈဝဵင်းမူႇၸေႊ ၸိုင်ႈတႆးပွတ်းႁွင်ႇ လႅၼ်လိၼ်တႆး – ၶႄႇ ယဵပ်ႇၺႃးမၢၵ်ႇမႅင်း တႅၵ်ႇသႂ်ႇထိုင် တီႈ ၶႃၾၢႆႇၶႂႃပုတ်းၶွၼ်ၼိုင်ႈ ၼႆယဝ်ႉ။

ၵူၼ်းပိုၼ်ႉတီႈ ဝဵင်းမူႇၸေႊ လၢတ်ႈတီႈၽူႈတွႆႇႁွၵ်ႈဝႃႈ – “ၸႂ်ႈၶႃႈဢေႃႈ မၼ်းၸၢႆးၵႂႃႇႁႃမႆႉသိၼ်လူဝ်/ မႆႉမၢၵ်ႇၽွတ်ႈ (မႆႉသုမ် လူဝ်) သေ ၵႂႃႇယဵပ်ႇၺႃးမၢၵ်ႇမႅင်း တႅၵ်ႇသႂ်ႇ တီႈတိၼ်ၶႃမၼ်းၸၢႆး တင်းၾၢႆႇၶႂႃ လႆႈပုတ်းၵႂႃႇၶႃႈဢေႃႈ ယၢမ်းလဵဝ် လႆႈသူင်ႇ ယူတ်းယႃတူဝ်ဝႆႉ တီႈႁူင်းယႃယဝ်ႉ”- ဝႃႈၼႆ။

- Subscription -

ၼႂ်းလိူၼ်ၾႅပ်ႊပိဝ်ႊရီႊ 2024 ၼႆႉၵူၺ်း ၵူၼ်းမူႇၸေႊ ယဵပ်ႇၺႃးမၢၵ်ႇမႅင်း တႅၵ်ႇသႂ်ႇ 2 ၵေႃႉ ပႃးလုင်းၸၢႆးမွင်ႇ ဢႃယု 63 ပီၼႆႉ။ မိူဝ်ႈဝၼ်းတီႈ 11 ယၢမ်းၵၢင်ၼႂ်ၼၼ်ႉၵေႃႈ ၵူၼ်းဝၢၼ်ႈၸၢၼ်းသႃႇ ဢိူင်ႇတိုင်းလူင် ၵႂႃႇႁႃၽိုၼ်းသေ ယဵပ်ႇၺႃးမၢၵ်ႇ သိုၵ်းမၢၼ်ႈ ႁၢင်ႈၵၢင်ဝႆႉ တီႈႁိမ်းလွႆၵိဝ်ႇလွၵ်ႇ (လွႆသူးတွင်း) ၼၼ်ႉ တႅၵ်ႇတိူဝ်ႉသႂ်ႇ ထိုင်တီႈလႆႈတႅပ်းပႅတ်ႈၶႃသွင်ၶွၼ်။

ၶၢဝ်းတၢင်းသွင်လိူၼ်မႃးၼႆႉ ၵူၼ်းမူႇၸေႊ ယဵပ်ႇၺႃးမၢၵ်ႇမႅင်ၾင်လိၼ်/ မၢၵ်ႇႁၢင်ႈၵၢင် တႅၵ်ႇတိူဝ်ႉသႂ်ႇ လႆႈမၢတ်ႇၸဵပ်းႁၢဝ်ႈ ႁႅင်းၼႆႉ တင်းမူတ်းမီးၵႂႃႇ 9 ၵေႃႉယဝ်ႉ။ ၼႂ်းၼၼ်ႉ ၽူႈၸၢႆး 8 ၵေႃႉ၊ ယိင်း 1 ၵေႃႉလႄႈ ၵႂၢႆးလူႉတၢႆၸွမ်း 1 တူဝ် ဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း