ၶူဝ်ၼႂ်းၸႄႈဝဵင်းလႃႈသဵဝ်ႈ-သီႇပေႃႉ ၵူၼ်းမိူင်းႁူမ်ႈၵၼ်ၵေႃႇၵုမ်း ယဝ်ႉတူဝ်ႈ လီငၢမ်းသေ ပိုတ်ႇပၼ်ရူတ်ႉၵႃးၵူၼ်းမိူင်းၵႂႃႇမႃးလႆႈၶိုၼ်းယဝ်ႉ။
ဝၼ်းထီ့ 27/1/2024 ၶူဝ်ၸေႈဢႅၼ်ႇ ဢၼ်ၶိုၼ်းသၢင်ႈမႂ်ႇဝႆႉ တၢၼ်ႇမွၵ်ႈၵႃးဢွၼ်ႇတႆႇလတ်းလႆႈၼၼ်ႉ ၶိုၼ်းပိုတ်ႇပၼ်ၵူၼ်းမိူင်းတႆႇၵႂႃႇမႃး ၸူဝ်ႈၶၢဝ်း တီႈၼႂ်းၵႄႈၵၢင် သီႇပေႃ့ – လႃႈသဵဝ်ႈ ၊ ၸိုင်ႈတႆးပွတ်းႁွင်ႇ ။
ၶူဝ်ဢၼ်ၼႆ့ သၢင်ႈဝႆႉတီႈၼႂ်းဝၢၼ်ႈၵုၼ်ၶႆ့ ၊ ဢိူင်ႇၼမ့်မ ၊ ၸေႈဝဵင်းသီႇပေႃ့ ၊ ၸေႈတွၼ်ႈ လႃႈသဵဝ်ႈ ၊ ၸိုင်ႈတႆးပွတ်းႁွင်ႇ ။ ပဵၼ်ၶူဝ်မႆ့ပႅၼ်ႈ ၵူၺ်း – ဝႃႈၼႆ ။
ၵူၼ်းၼႂ်းပိုၼ့်တီႈ လၢတ်ႈတီႈ ၸုမ်းၶၢဝ်ႇၽူႈတွႆႇႁွၵ်ႈဝႃႈ – “ မၼ်းပဵၼ် ၶူဝ်ၸူဝ်ႈၶၢဝ်း ၊ ၶူဝ်ဢွၼ်ႇ ၵူၺ်းလႄႈ ၵႃးဢွၼ်ႇၵူၺ်း ၶၢမ်ႈလႆႈ။ ပဵၼ်ၵူၼ်းဝၢၼ်ႈ ႁူမ်ႈၵၼ်သေ ႁဵတ်း ဝႆႉ။ ၸဝ်ႈ ၵႃး ၸိူဝ်းဢၼ် တႆႇၶူဝ်ၼႆ့သေၵႂႃႇမႃးၼၼ့် ၽႂ်ၶႂ်ႈသႂ်ႇ ငိုၼ်းလူႇ ၵႃႈႁိုဝ် ၵေႃႈသႂ်ႇ လႆႈယူႇ ” – ဝႃႈၼႆ ။
ၶူဝ်ၵုၼ်ၶႆ့ ၼႆ့ ပိုတ်ႇ ပၼ်လတ်းၶၢမ်ႈၵႂႃႇမႃး တႄႇဢဝ် ၶၢဝ်းယၢမ်းၵၢင်ၼႂ် 6 မူင်းထိုင် ႁူဝ်ၶမ်ႈ 6 မူင်း။ ပေႃးလုၵ့်တၢင်း ဝဵင်းသီႇပေႃ့ မႃးၸိုင် ၵွၼ်ႇပႆႇထိုင် တီႈႁိမ်းၶူဝ်ၸေႈဢႅၼ်ႇၼၼ့် တေ လႆႈငွၵ်းၵႂႃႇၾၢႆႇၶႂႃ ထႅင်ႈမွၵ်ႈ 15 မိတ့်ၼိတ့် ။ သင်ဝႃႈ လုၵ့်တၢင်း လႃႈသဵဝ်ႈၵႂႃႇသမ့် တေလႆႈ ငွၵ်းၶဝ်ႈတီႈႁိမ်း တူၼ်ႈမႆ့ၺွင်ႇဢၼ်မီးၶဵင်ႇၽီ တီႈတၢင်းၶဝ်ႈဝၢၼ်ႈၸေႈဢႅၼ်ႇ ၼၼ့်သေ တေလႆႈၵႂႃႇထႅင်ႈ မွၵ်ႈ 15 မိတ့်ၼိတ့် – ဝႃႈၼႆ ။
ယွၼ့်ၶူဝ်ဢၼ်ပိုတ်ႇမႂ်ႇၼႆ့လႄႈ ၵူၼ်းမိူင်းၵႂႃႇမႃးလႆႈ ဝႆးလိူဝ်သေ သဵၼ်ႈတၢင်း ၵုင်းမူင်ႈ – ၼမ့်မ ၼၼ့် မွၵ်ႈ 1 ၸူဝ်ႈမူင်း ။
ၶူဝ်ၸႄႈဢႅၼ် ၼႂ်းၵႄႈ သီႇပေႃႉ-လႃႈသဵဝ်ႈၼႆ့ ႁၢၵ်းပင်းၵႂႃႇ မိူဝ်ႈဝၼ်းတီႈ 1/12/2023 ။