ၸုမ်းသိုၵ်းရၶၢႆႇ AA ပိုၼ်ၽၢဝ်ႇဝႃႈ ပၢင်တိုၵ်းတင်း သိုၵ်းမၢၼ်ႈပဵၼ်ႁၢဝ်ႈႁႅင်း ႁိုင်မႃးၶၢဝ်းတၢင်း 2 လိူၼ် ယိုတ်းလႆႈ ဝဵင်းပွၵ့်တေႃး ဢၼ်မီးၼႂ်း ပွတ်းႁွင်ႇ မိူင်းရၶၢႆႇ ဝႃႈၼႆ။
ဝဵင်းပွၵ့်တေႃးၼႆ့ မီးႁူဝ်ၵူၼ်းမွၵ်ႈ 2 သႅၼ်၊ 50 ဝၢၼ်ႈပၢႆ ၊ ၸွမ်းၼင်ႇသဵၼ်ႈတၢင်းၼမ့်ၸိုင် ယၢၼ်ၵႆဝဵင်းလူင် သိတ့်တူၺ်ႇ မွၵ်ႈ 16 လၵ်း ၊ မီးဝႆ့ၾၢႆႇဢွၵ်ႇ ၼမ့်ၵလႃႊတၼ်ႊ ဝႃႈၼႆ။
ၸဵမ်မိူဝ်ႈပူၼ့်မႃးလၢႆလၢႆဝၼ်း ၸုမ်းသိုၵ်းရၶၢႆႇ ပူၵ်းတုင်းၶဝ်သေ ၵႂၢတ်ႇလၢင့်ၼႂ်းပိုၼ့်တီႈၼၼ့်ဝႆ့ၼႆ သိုဝ်ႇၼႂ်းပိုၼ့်တီႈ ႁၢႆးငၢၼ်းဝႆ့ၼင်ႇၼႆ။ ၶၢဝ်းတၢင်းပၢင်တိုၵ်းၼၼ့် ၸုမ်းသိုၵ်းမၢၼ်ႈယိုတ်းမိူင်း ၸႂ့်ပႃးၶိူင်ႈမိၼ်တိုၵ်း ၊ ၶိူင်ႈၵွင်ႈယႂ်ႇတီႈတပ့်ၼမ့် ပိုတ်းယိုဝ်းပႃႁၢဝ်ႈႁႅင်း ၸၢၵ်ႇမၢၵ်ႇတူၵ်းတႅၵ်ႇ ၼႂ်းဝဵင်း ၼႂ်းၵၢတ်ႇ တိူဝ့်မႅၼ်ႈလင်ႁိူၼ်းၵူၼ်းမိူင်း လူ့ၵွႆၸွမ်းတၢင်းၼမ် ဝႃႈၼႆ။
ၵဵဝ်ႇၵပ်းလွင်ႈၼႆ့ ၾၢႆႇၸုမ်းသိုၵ်းမၢၼ်ႈ ဢမ်ႇပိုၼ်ၽၢဝ်ႇသင်။ တႄႇလိူၼ် ဢွၵ်ႊတူဝ်ႊပိူဝ်ႊ ပီ 2023 ၼႂ်းၸႄႈမိူင်းရၶၢႆႇ သိုၵ်းမၢၼ်ႈတင်း သိုၵ်းရၶၢႆႇ AA ပဵၼ်ပၢင်တိုၵ်းမႃးႁၢဝ်ႈႁႅင်း၊ သိုၵ်း AA ၵုမ်းလႆႈ တပ့်ပၢင်သဝ်းသိုၵ်းမၢၼ်ႈတင်းၼမ်၊ ၵူၼ်းမိူင်းၼပ့်ႁူဝ်သႅၼ် လႆႈပၢႆႈၽေးသိုၵ်းဝႆ့။
မိူဝ်ႈဝၼ်းတီႈ 14 ပူၼ့်မႃးၼႆ့ၵေႃႈ ၸုမ်းသိုၵ်းရၶၢႆႇ AA ပိုၼ်ၽၢဝ်ႇဝႃႈ ၵုမ်းလႆႈဝဵင်း ပလႅၵ့်ဝႃ့ မိူင်းၶျၢင်း ၼႆယဝ့်။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ