ၸွမ်းၼင်ႇၶၢဝ်ႇၽူႈတွႆႇႁွၵ်ႈလႆႈၵဵပ်းႁွမ်ၶေႃႈမုလ်းဝႆႉသေ ၶၢဝ်းတၢင်းပၢင်တိုၵ်း 1027 သွင်လိူၼ်ၼႆႉၵူၼ်းမိူင်းတႆး ဢၼ်ၺႃးၸၢၵ်ႇမၢၵ်ႇၵွင်ႈလူင်လႄႈမၢၵ်ႇၶိူင်ႈမိၼ်သေလူႉတၢႆမီး 175 ၵေႃႉ ၼႂ်းၼၼ်ႉပဵၼ်ၽူႈၸၢႆး 108 ၵေႃႉ ၽူႈယိင်း 43 ၵေႃႉ လုၵ်ႈဢွၼ်ႇ 24 ၵေႃႉႁူမ်ႈသဵင်ႈ 175 ၵေႃႉ ။
ၵူၼ်းမၢတ်ႇၸဵပ်းၸိူဝ်းၼၼ်ႉပဵၼ်ၵူၼ်းမိူင်းတီႈဝဵင်းၼွင်ၶဵဝ်၊ ၵျွၵ်ႉမႄး ၊ သီႇပေႃႉ၊လႃႈသဵဝ်ႈ၊ သႅၼ်ဝီ၊ ၵူတ်ႉၶၢႆ၊ မူႇၸေႊ၊ ၼမ်ႉၶမ်း၊ ၼမ်ႉသၼ်ႇ၊ ၼမ်ႉတူႈ၊ လၢဝ်ႇၵၢႆး၊ ၵွင်းၸၢင်ႉလႄႈ ၵုၼ်လူင်။
ၼႂ်းၼၼ်ႉဢၼ်တၢႆၼမ်သုတ်းပဵၼ်ၵူၼ်းမိူင်းၼႂ်းၸႄႈဝဵင်းလၢဝ်ႇၵၢႆး ဢၼ်ၺႃးၽေးသိုၵ်းသိူဝ်ၸဵမ်မိူဝ်ႈဝၼ်းတီႈ 17 လိူၼ်ဢွၵ်ႇထူဝ်ႇပိူဝ်ႇမႃးတေႃႇထိုင်ဝၼ်းမိူဝ်ႈၼႆႉ။
ၵူၼ်းမိူင်းဢၼ်မၢတ်ႇၸဵပ်းယွၼ်ႉပၢင်တိုၵ်းသမ်ႉမီး 415 ၵေႃႉ ။ ၼႂ်းၼၼ်ႉပဵၼ်ၽူႈၸၢႆး 238 ၵေႃႉ၊ ၽူႈယိင်း 125 ၵေႃႈလႄႈ လုၵ်ႈဢွၼ်ႇ 52 ၵေႃႉ။ ၼႆႉၵေႃႈၵူၼ်းမိူင်းလၢဝ်ႇၵၢႆးမၢတ်ႇၸဵပ်း ၼမ်လိူဝ်ပိူၼ်ႈသုတ်း။
ႁူဝ်ၼပ်ႉၵူၼ်းမၢတ်ႇၸဵပ်းလူႉတၢႆၼႆႉ ပဵင်းၼင်ႇၽူႈတွႆႇႁွၵ်ႈယိုၼ်းထိုင်လႆႈၵူၺ်း။ တီႈဝၢၼ်ႈဢိူင်ႇၸိူဝ်းမီးၵႆဝဵင်း တီႈဢၼ်ၽူႈတွႆႇႁွၵ်ႈဢမ်ႇၸၢင်ႈယိုၼ်းထိုင် ၸၢင်ႈမီးထႅင်ႈတင်းၼမ်။
