ဝၼ်းတီႈ 25/12/2023 ယူႇတီႈ ၵေႃပူၵ်းပွင် ၵူၼ်းၼုမ်ႇ ၸိုင်ႈတႆး SSYCBC ၸတ်းႁဵတ်းပၢင်ပွႆး ၶွပ်ႈတဵမ် 12 ပီလႄႈ ပၢင် ၵိၼ်ၶဝ်ႈ သုၼ်လီ တင်းမေႃသွၼ် တီႈလုမ်းၵူၼ်းၼုမ်ႇ ဢွင်ႈတီႈ ၵုၼ်ႁိူဝ်းၶမ်း ငဝ်ႈငုၼ်းဝၢၼ်ႈႁႆး SSPP ၼႆယဝ်ႉ။
ၼႂ်းပၢင်ပွႆး ၶွပ်ႈတဵမ် 12 ပီ ၵေႃပူၵ်းပွင် ၵူၼ်းၼုမ်ႇ ၸိုင်ႈတႆး SSYCBC ၼႆႉ မီးၽူႈယႂ်ႇၵူၼ်းလူင် ၼႂ်း SSPP လႄႈ မေႃ သွၼ် ၸိူဝ်းၼႆႉ ၶဝ်ႈႁူမ်ႈမွၵ်ႈ 200 ၵေႃႉ။ လိူဝ်သေ ၵိၼ်ၶဝ်ႈႁူမ်ႈမူႇယဝ်ႉ မီးပႃးတၢင်းၵႃႈလႄႈ ႁွင်ႉၽဵင်းၵႂၢမ်း မူၼ်ႈၸႂ်ၵႂႃႇ ၼႆ ယဝ်ႉ။
မေႃသွၼ် တီႈမႃးၶဝ်ႈႁူမ်ႈ ပၢင်ပွႆးၼႆႉသမ်ႉ မိူၼ်ၼင်ႇ – ၸႄႈဝဵင်းသီႇပေႃႉ 10 ၵေႃႉ၊ ၵူတ်ႉၶၢႆ 7 ၵေႃႉ၊ ၵေးသီး 39 ၵေႃႉ၊ လၢႆးၶႃႈ 2 ၵေႃႉ၊ လႃႈသဵဝ်ႈ 5 ၵေႃႉ၊ မိူင်းသူႈ 18 ၵေႃႉ၊ မိူင်းၼွင် 5 ၵေႃႉ၊ မိူင်းယႆ 11 ၵေႃႉလႄႈ တၢင်ႉယၢၼ်း 72 ၵေႃႉ ၼႆယဝ်ႉ။
ၵေႃပူၵ်းပွင် ၵူၼ်းၼုမ်ႇၸိုင်ႈတႆး SSYCBC ၼႆႉ ၵေႃႇတင်ႈမႃး မိူဝ်ႈဝၼ်းတီႈ 15/12/2012 မိူဝ်ႈၽွင်းၼၼ်ႉ ၵေႃႇတင်ႈမႃး ပဵၼ်ၵေႃၵပ်းသၢၼ်ၵူၼ်းၼုမ်ႇ SSYNC ဝၢႆးၼၼ်ႉမႃး ၶိုၼ်းမႄးၶွတ်ႇၽွတ်ႈမႃးၶိုၼ်း ၵေႃပူၵ်းပွင် ၵူၼ်းၼုမ်ႇၸိုင်ႈတႆးၼႆႉ ဝႃႈၼႆ။
