တႄႇဝၼ်းတီႈ 30/11/2023 မႃး ၼမ်ႉမၼ်းၸၢၵ်ႈ (ထၢတ်ႈသီႇ) တီႈၸႄႈဝဵင်းပၢင်လွင်းၶၢတ်ႇလႄႈ ၸဝ်ႈရူတ်ႉၸဝ်ႈၵႃးထူပ်းတၢင်းယၢပ်ႇၽိုတ်ႇ။
ၵူၼ်းၼႂ်းပိုၼ်ႉတီႈ ဝဵင်းပၢင်လွင်းၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ – “ ၼမ်ႉမၼ်းၸၢၵ်ႈၶၢတ်ႇ ဢမ်ႇမီးဢၼ်ၶၢႆ၊ မၢင်တီႈ မၢင်ႁၢၼ်ႉ ၸိူဝ်းၵိုတ်းၼမ်ႉမၼ်းဝႆႉၸိူဝ်းၼၼ်ႉၵေႃႈ ဢမ်ႇၶႂ်ႈၶၢႆပၼ်ၵၼ်ယဝ်ႉၶႃႈ ။ ႁၢၼ်ႉၶၢႆၼမ်ႉမၼ်းၸၢၵ်ႈ တီႈၼိုင်ႈ တႄႉ ပိုတ်ႇၶၢႆယူႇ 10 မူင်းထိုင် 12 မူင်းၵၢင်ဝၼ်း ႁဵတ်းၼၼ်ၵူၺ်းယဝ်ႉဢေႃႈ” – ဝႃႈၼႆ။
လိူဝ်ၼၼ်ႉ မိူၼ်ၼင်ႇ ၶဝ်ႈသၢၼ်ၸိူဝ်းၼႆႉၵေႃႈ ၵႃႈၶၼ်ပုင်ႈၶိုၼ်ႈသုင် လႄႈ ၵူၼ်းမိူင်းယၢပ်ႇၽိုတ်ႇတႃႇၵိၼ်ယမ်ႉထႅင်ႈ ။ ၼႂ်းၵႄႈၼႆႉ ၼမ်ႉမၼ်းရူတ်ႉၵႃးၵေႃႈ ၵႃႈၶိုၼ်ႈထိုင် ၼိုင်ႈလိတ်ႉလႂ် 4000 ပျႃး။ မိူဝ်ႈလဵဝ် တႃႇၶၢႆတႃႇၸႂ်ႉ ၵူၺ်းၵေႃႈ ဢမ်ႇၶႂ်ႈမီးယဝ်ႉလႄႈ ၶႅၼ်းယၢပ်ႇၸႂ် ၼႆယဝ်ႉ။
ဝၢႆးသေ ပၢင်တိုၵ်းၸႄႈမိူင်းယၢင်းလႅင် ပဵၼ်ႁၢဝ်ႈႁႅင်းယဝ်ႉၼၼ်ႉ ၼမ်ႉမၼ်းရူတ်ႉၵႃးၵေႃႈ ၶၢတ်ႇၵႂႃႇၵမ်းလွႆးလွႆး ။ ၵူၼ်းပၢႆႈၽေးၼႂ်းမိူင်းယၢင်းလႅင်ၵမ်ႈၽွင်ႈ ဢမ်ႇၸၢင်ႈပၢႆႈဢွၵ်ႇတၼ်းၶိုတ်းၶၢဝ်းယၢမ်း ယွၼ်ႉရူတ်ႉၵႃး ဢမ်ႇမီးၼမ်ႉမၼ်း ဢမ်ႇၸၢင်ႈဢွၵ်ႇ။
ၶၢဝ်းယၢမ်းၵၢပ်ႇပၢၼ်ၼႂ်းဝၼ်းမိူဝ်ႈၼႆႉ ၵူၼ်းလႆႈဢိင်ပိုင်ႈ ရူတ်ႉၵႃး ၵႂႃႇမႃးတူင်ႉၼိုင်လွၼ်ႉလွၼ်ႉလႄႈ ပေႃးဢမ်ႇမီးၼမ်ႉမၼ်းၸိူဝ်ႉၾႆးၸိုင် ၵၢၼ်ႁႃၵိၼ်လဵင်ႉတွင်ႉၵူၼ်းမိူင်းၶႅၼ်းတေယၢပ်ႇၽိုတ်ႇ။တႃႇၵႂႃႇၵႃႉ ဝၢၼ်ႈတႂ်ႈမိူင်းၼိူဝ်ၵေႃႈ တေဢမ်ႇၸၢင်ႈၶိုတ်းတၼ်းၶၢဝ်းယၢမ်းၼႆ ၵူၼ်းမိူင်းၵေႃႉၼိုင်ႈ လၢတ်ႈၼင်ႇၼႆ။
 တီႈၸႄႈဝဵင်းပၢင်လွင်းၶၢတ်ႇလႄႈ ၸဝ်ႈရူတ်ႉၸဝ်ႈၵႃးထူပ်းတၢင်းယၢပ်ႇၽိုတ်ႇ။){kind=link}